Þið munið að ég var búin að panta tvær vikur lágmark í hvíld þegar ég væri hætt að vinna, bara svona til að hvíla mig og undirbúa því ég vann svo lengi...

Núna nenni ég þessari hvíld ekki lengur, er að ég held búin að þvo hvert einasta stykki hérna á heimilinu, tók til í nærfataskúffunni í gær og það endar með að ég fer að litaraða í fataskápinn okkar!

Gekk síðan Borgartúnið endilangt inn í Laugarnesið og sé fram á fleiri æfingar á næstu dögum:)

Já ég er bara orðin of spennt...er maður ekki smá klikkaður að hlakka til að horfa á Fyrstu skrefin á eftir, að vísu verða Hanna, Sara og Camilla sem ég þekki í þættinum þannig að ég hef ástæðu!

Ég þarf samt nauðsynlega að komast á Tapas á morgun, það má ekki klikka!

Fyrst ég er bara að hangsa þá klára ég glansmyndapakkann...

Strax byrjuð að mala í símann...
Og að taka róbó takta, alltaf í sífelldum æfingum...
Hvað ætli þessi prakkari hafi verið að fara að gera?

Síðan steypti hann sér víst yfir rimlana og í hjónarúmið, Ottó átti að svæfa hann en í flestum tilfellum var Ottó steinrotaður og Andri kom fram aftur!

Gaman að þessu:)

Ég hélt að partýið væri að byrja í nótt...

en svo hætti það bara undir morgun. Ég sá fyrir mér að þetta yrði þá febrúarbarn á endanum en núna lítur út fyrir að marsbúinn muni standa.

Ætla að taka kríu...

Útskriftarveisla hjá Keðjunni...

Viðar Hólmsteinn
Eina myndin sem Keðjan var ekki eins og fífl!
Rex og Viddi
Tiger-ferlíkið og Andri red red wine..
Og þeir félagar..

-Linda-

Nokkrar myndir úr vetrarfríi og frá helginni...

Parið ásamt fleirum í heimsókn á Kambó
Hitt "parið" bauð okkur í dýrindis þriggja rétta máltíð
og Mappa og Heiðari líka
Fór í heimsókn til Matthildar Birtu...hún er svoooo sæt mús

Þið ættuð að sjá breytinguna á Hjallaveginum...

Skrýtið að hafa búið þarna og maður þekkir varla íbúðina aftur. Baðherbergið þar sem eldhúsið var, eldhús þar sem svefnherbergið var og búið að umturna loftinu okkar Andra...

Framkvæmdirnar hans Lottós hafa greinilega komið af stað enn meiri framkvæmdum. Það gekk nú á ýmsu þegar þakið var rifið af og allt hækkað upp og ég og Lottó "hjálpuðumst" að við það að flísaleggja, Mappinn þræddi rafmagnið og svo var boðið í áramótapartý og það rétt náðist að koma sófa og stólum fyrir haha...

Ágætis prís á þessu...

Húllum hæ á Kambó...

Það var aldeilis margt um manninn á Kambó í gær, Bronsbumban og frú, Rex og Keðjan og parið góða. Trúmál og heimsmálin ásamt ýmsu öðru voru rædd og við erum svona nokkurn vegin komin með lausnina á því hvernig má bjarga heiminum...

Mæðró gekk vel að vanda og barnið fastskorðað og tilbúið í fæðingu whenever, ljósan mín ótrúlega ánægð með hvað allt er búið að ganga vel og hún studdi það heilshugar að fara upp á Skaga. Ég er allaveganna búin að melda mig þangað ef það gengur upp. Hún vildi meina að krílið væri orðið svona 13-14 merkur. Bara meðalljón ef það reynist rétt...nú er bara að bíða og sjá hvenær það ákveður að hefja ferðalagið mikla!

Það er aldeilis prógram á mér svona í orlofi, var að koma úr fótsnyrtingu, litun og plokkun og síðan er ég aðeins að fara að stússast út af vöggunni sem við verðum með. Í kvöld er dinner a la Hjalti og co, dansjóga í hádeginu á morgun, flakkarafundur með HDW og RÓ og útskrift hjá Viðari um kvöldið...mjög skrýtið að vera bara svona að dúlla sér í ýmsu og hafa engum þannig skyldum að gegna.

Tók strætó heim frá Hlemmi núna rétt í þessu og mikið er nú þægilegt að sitja í srætó og hlusta á góða tónlist og horfa út um gluggann. Þetta er hægt þegar maður er ekki í neinu stressi og er auðvitað miðsvæðis...

Góða helgi kæru vinir.

Fjölbreytni...

Ég er búin að fá mér tvisvar að borða í dag, í fyrra skiptið hálft múslírúnstykki og kókoskúlu úr jóa, skolað niður með kókómjólk, núna í annað skiptið, hinn helming af múslístykkinu og önnur kókoskúla, skolað niður með kóki! Hollustan í fyrirrúmi...

Og vorið er komið, ætla að skella mér í kraftgöngu til langömmu með ipodinn í botni og skella mér síðan í jóga. Það er alveg fáránlega skrýtið að vera ekki að gera nokkurn skapaðan hlut..

Njótið veðurblíðunnar!

Afmælisbarnið...

Hún Ragna góðvinkona er 24 ára gömul í dag! Innilega til hamingju með daginn og njóttu þess nú í botn að vera einu sinni heima hjá þér á afmælisdaginn. En eins og margur hver veit er Ragna margfaldur Íslandsmeistari í badminton og þarf því ósjaldan að fórna afmælisdögum fyrir fluguna...

Myndin er síðan ég fór með henni á mót í Birmingham sem Team Manager from Iceland. Þarna lékum við á alls oddi og ég að sjálfsögðu sem þjálfari á hliðarlínunni. Við gerðumst meira að segja svo grófar að skella okkur í klippingu þar sem ég tók pönkarann á þetta...

Annars vaknaði ég í morgun með rosa skrýtna verki, hugsaði strax með mér nei ég er ekki búin að hvíla mig neitt! Fór fram og settist á bláa boltann og tók smá jógatakta...þetta var samt greinilega bara smá æfing en góð engu að síður. Núna er ég bara heimavinnandi húsmóðir í vetrarfríi:)

Lilly

Ég á bara eftir að vinna í einn heilan dag...

og síðan ekki neitt í að minnsta kosti 8 mánuði, vá hvað það er skrýtið!

Þessi eini dagur er starfsdagur kennara og því kvaddi ég börnin í dag. Þau voru sæt í sér að vanda og bökuðu tvær kökur, gáfu mér box með fleiri heimatilbúnum kökum, Mínu mús blöðru og kort með myndum af þeim öllum:)

Á fimmtudag og föstudag er vetrarleyfi kennara og síðan byrja ég í fæðingarorlofi frá með mánudeginum 26. febrúar, þá komin 39 vikur á leið, ekkert smá heppin að hafa haldið svona góðri heilsu allan tímann og unnið þetta lengi. Get sko ekki kvartað:) En ég vil nú þakka kírópraktornum mínum sem vill meina að þetta eiga eftir að skila 40% styttri fæðingu...sjáum til með það og svo auðvitað jóganu sem ég er búin að vera í síðustu 15 vikur, enda sjáið þið að maður er með jafnvægið í lagi;)

Á föstudaginn fer ég í mæðrótjékk og það verður spennandi hvað kemur út úr því.

Þar til næst...

Libba

Glansmyndir í baði...

Andri Fannar sprækur

Ég var víst eitthvað hrædd við að fara ofan í vatnið en vildi alveg hafa það í bala og sitja svo bara í baðinu!

Lítil handklæðastelpa

Og svo ef þið viljið ímynda ykkur AFO overweight!

Ég var að koma af fæðingardeildinni...


á Skaganum, haha fenguð þið sjokk:) Við skelltum okkur upp á Skaga að heimsækja afa hans Andra og konuna hans en hún er einmitt ljósmóðir á Skaganum og var svo elskuleg að sýna okkur deildina í díteils og ég er að segja ykkur það ég tel að það séu svona 80% líkur á að ég fari þangað...

Mikið svakalega var þetta huggulegt og elskulegt allt saman. Og Sigurðarsvítan, ég ætla ekki einu sinni að lýsa henni:) Og þarna getur maður tekið sængurleguna alveg eins lengi og maður vill í ró og næði. Eina fyrirstaðan er náttúrulega að maður þarf að keyra dáldinn spöl en ég er alvarlega að velta þessu fyrir mér, þarf ekkert að ákveða núna en þetta er mjög góður kostur held ég.

Farin í bæli með örlítinn bjúg og lasinn húsbónda mér við hlið!

Foreldradagur að kveldi kominn...

Gekk allt saman alveg ljómandi vel hjá mér og Selmu. Toppmæting og almenn ánægja. Ég hef gaman að svona dögum, gaman að hitta foreldra, sjá hverjum börnin líkjast o.s.frv. Ég ætla að vera foreldri sem mætir alltaf á svona viðburði...

Alltaf gott samt þegar það er komin helgi og maður getur slappað almennilega af, Kennópíur og börn í heimsókn á morgun og afmæli hjá Rex um kvöldið...

Þetta gekk allt saman alveg ljómandi vel...ungir piltar nú til dags ganga líka svo afskaplega vel um:)

Farin í bað að láta líða úr mér...

Fjúff...

Ég er að fá alla strákana úr umsjónarbekknum mínum hingað heim á eftir. Við ætlum að horfa á spólu saman, en fyrst förum við á Pizza Hut. Ég er búin að plata Andra til að vera heima ef allt fer úr böndunum en ég held að þetta reddist! 13, 13 ára guttar:)

Foreldradagur á morgun og kennslustofan orðin spikk and span...

4 vinnudagar eftir koma svooooo

Þannig að ég er farin í jóga til að ná smá slökun fyrir þetta!

Lilly

Hrós dagsins...

Ég er búin að vera að hrósa krökkunum dáldið undanfarið, svona aðeins að peppa þau upp áður en ég hætti. Við gerum nefnilega alltof lítið af því að hrósa finnst mér...

Og þess vegna ætla ég að hrósa Andra Fannari hérna á síðunni minni. Ekki það að hann lesi hana oft en hann á þetta hrós skilið.

1. Undanfarin svona 15 kvöld er ég búin að fá fótanudd fyrir svefninn en þá sef ég alltaf svo ótrúlega vel:) Segið svo að parakvöldið hafi ekki verið að gera sig! Og þetta er sko almennilegt nudd.

2. AFO er þekktur fyrir það að ganga vel frá í eldhúsinu og finnst það bara nokkuð gaman enda af myndunum að dæma var hann mikið fyrir pottana þegar hann var yngri. Þetta hefur hann líka frá móður sinni en hún ól hann upp í eldhúsinu:) Mér finnst líka alveg fínt að ganga frá í eldhúsinu og geri það mjög oft og helst get ég ekki farið að sofa nema vaskurinn sé tómur. Það kemur þó fyrir að hann er það ekki en þá veit ég bara að Andri gerir þetta þegar hann tekur sér pásu frá akademískum vinnudegi. Nema hvað að í gær var fjall í vaskinum því uppþvottavélin var líka full og þarna leyndist líka panna, pottur og fleira leiðindadótarí. Svo núna þegar ég kem heim úr vinnunni er búið að taka allt úr vélinni og ganga frá hverju einasta stykki sem var í vaskinum. Þetta er afar þægilegt fyrirkomulag og ég er mjög glöð með þetta. Og tekið skal fram að þetta var gert alveg óumbeðið...

Keep up the good work!

Taka tvö í glansmyndunum...

Ekki mikið stærri en svitalyktaeyðir en farin að standa og tala á fullu...

Andri breyttist fljótlega í súmóglímukappa...

Þessir stólar voru greinilega aðaltrendið í þá daga...

og auðvitað geðveikt teppi og sófi:)

Annars er ég alveg hrikalega spræk þessa dagana og ekki bilbug á mér að finna, smá fyrirvaraverkir á nóttinni en ekkert til að tala um. Kannski af því að ég veit að ég á bara eftir að vinna í 6 daga, fáránlega lítið alveg!

-Linda litla-

Afmælisbarn dagsins er hún Harpa "litla" systir mín en hún er orðin 18 ára gömul stúlkan!

Ég sendi henni hamingjuóskir og verð mætt í kökur um eftirmiðdaginn:)

Njóttu dagsins mín kæra...

Við hressar á ættarmóti í sumar með ömmu og mömmu

Glansmyndir fortíðarinnar...

Við vorum að skoða gamlar myndir af okkur þegar við vorum yngri og veltum í leiðinni fyrir okkur hvernig barnið gæti mögulega litið út. Á þessum myndum erum við að vísu orðin frekar stór en af þeim að dæma vorum við bæði frekar miklir grallarar!

AFO var víst frekar trylltur í potta...

Ég með prump og kúkabrandara...eins og enn þann dag í dag!

Vegna mikilla eftirspurnar...36 vikur 4 dagar

Og ein hressandi af okkur sem erum bara orðin þónokkuð spennt fyrir þessu öllu saman!

Verð með fleiri óborganlegar glansmyndir á næstu dögum:)

Móðurfjölskyldan mín er þekkt fyrir mikið langlífi og hérna má sjá systkini langömmu minnar ræða um aldur sinn og þau eru svona nokkurn veginn með tölurnar á hreinu. Hún langamma verður síðan 100 ára í sumar og ég var einmitt að hugsa um það áðan að ég verð að senda henni bréf sem allra fyrst. Það er nú kannski ekki skrýtið að fólk ruglist aðeins í tölunum komið á þennan aldur:)

Það er komin helgi...Helgi!

Ég og stelpurnar í bekknum mínum erum að fara saman út að borða á eftir og síðan ætla ég að bjóða þeim heim og við ætlum að horfa saman á The Sentinel eða The Break Up, ógeðslega gaman hjá okkur. Maður er svona að vinna sér inn nokkur stig fyrir orlof:)

Selma kom í dag og auðvitað leist henni vel á krakkana mína og þeim á hana. Algjör snilld að geta valið svona hver tekur við umsjóninni, manni er einhvern veginn ekki alveg sama...

Ljúf helgi framundan með tilheyrandi slökun og þægilegheitum, ekkert sérstakt planað nema kannski að kíkja á opnun á snyrtistofu og melding í lit og plokk og annað slíkt fínerí. Held að það sé ágætt að reyna að líta sem best út fyrir átökin!

Góða helgi kæru vinir!

Nýjustu fregnir frá Kaupmannahöfn herma að...

borðlappirnar eru komnar í hús, ójá, keyptar í Gentofte af Jakobi hinum mikla! Mikið er ég glöð:) Vika Byske varð það svo...

Endalaust af gleðitíðindum berast í hús, greiðsluáætlun frá fæðingarorlofssjóði kom virkilega vel út, lítur út fyrir að ég haldi mínum himinháu kennaralaunum í átta mánuði með sumarfríi. AFO fór í bankann í dag með lítinn miða með nokkrum erindum frá fjármálastjóra heimilisins, það er því allt klappað og klárt og hann stóð sig með eindæmum vel að sögn þjónustufulltrúans en hann er ekki vanur að þurfa að stússast í þessum málum. Ótrúlegt en satt þá sá ég ekki fyrir endann á þessu stússi fyrir svona mánuði síðan, einingar, námslán, fæðingarorlof, fæðingarstyrkur...púsli púsl og þetta er allt að skýrast!

Og 10 vinnudagar eftir, believe it og not, það er ekki neitt. Síðan panta ég lágmark tvær vikur eftir það í hvíld og slökun. Minna má það nú varla vera ekki satt?

Jæja, sit hérna með 10 afar skemmtilegar bókmenntaritgerðir fyrir framan mig sem ég á eftir að gefa einkunn fyrir. Hvað segiði 9 á línuna og málið er dautt? haha djók...

Borðfætur því miður ekki komnar í hús...

en ég og "Don Junior" eða Sóley gerðum okkur ferð í IKEA í dag og byrjuðum á því að taka aumingjann á þetta og reyna að láta vorkenna okkur, t.d. með því að segja að ég ætti von á barni eftir nokkrar vikur og væri búin að kaupa borðplötu fyrir þessar fætur og láta hanna þetta allt og ekkert annað myndi passa o.frv. Síðan sáum við að það gekk ekki og skiptum þá yfir í frekjuna og sögðum nokkur vel valin orð. Þá bakkaði svæðisstjórinn aðeins og tók niður nafn og síma en lofaði engu...þannig að ekki miklar líkur á að VIKA KAJ lappirnar verði úr íslensku IKEA, kannski dönsku eða einhvers staðar annars staðar frá. Þetta mál er allt í vinnslu en Don Ruth lendir einmitt annað kvöld og þá fara línur væntanlega að skýrast.

Ég hins vegar er komin með túrkís þema í eldhúsið, motta, diskamottur, uppþvottabursti, kertastjaki og viskustykki. Nú vantar bara einn Marimekko ofnhanska og þetta verður eins og klippt út úr Hús og híbýli...nje segi svona, allaveganna komið smá þema og hreiðurgerð greinilega á öllum vígstöðvum.

Og að lokum þá er við hæfi að segja frá því að ég fór í mæðró í dag og allt enn í toppstandi, barn búið að skorða sig og skýrir það mörgæsagöngulag mitt enda með haus í klofinu eins og maður segir. Þetta er því bara allt að verða ready. Nú er bara spurning hvort að krílið verði á punktlich þýskum tíma eða taki Italiano style á þetta og mæti tveimur vikum eftir settan dag!

Eitt er víst að nú er klukkan orðin alltof margt fyrir vanfærar konur eins og mig...
Góða nótt!

Ég er búin með 11 þætti í 3. seríu af Desperate...

Einmitt að ég hefði haldið það út að horfa bara á þetta á ruv oh sei sei!

Hver á fleiri þætti og hvað eru komnir margir! Einhver?

Við AFO erum líka búin að átta okkur á því að það er mikil fylgni á milli þess að ég liggi og horfi á þessa þætti og svefnvenja minna. Ég sef eins og ungabarn þegar ég hef legið uppi í sófa og horft á svona 5-6 þætti í röð...við erum að tala um að vakna kannski bara einu sinni og kasta þvagi

Þannig að ef ég á að vera geðgóð næstu 4-6 vikurnar...

Smá "hreiðurgerð" hafin...

Það er svona aðeins byrjað að undirbúa komu frumburðarins. Búið að breyta lítillega í svefnherberginu, húrra upp annarri hillu og færa til kommóðu og setja annað náttborð og síðan keypti ég afskaplega krúttlegt körfusett í Glugg-inn fyrir helgina, alveg eins og ég hafði séð þetta fyrir mér í hillunum og eina svona stærri körfu á hjólum til að hafa ýmislegt dótarí í.

Síðan erum við pabbi farin að stússast í borðinu sem við ætlum að setja upp inni á baði og vorum búin að finna fullkomnar borðfætur á það í IKEA en þá eru þær uppseldar og getur verið að þær komi ekki aftur fyrr en í júní...og það er sko alltof alltof seint þannig að eftir helgina fer ég aftur í búðina og ræði við einhvern yfirmann og kría út 4 lappir úr sýnishornum. Og ég SKAL fá þessar fjórar...annars bið ég Don Ruth að ganga í málið!

Annars er það bara Desperate III undir sæng uppi í sófa...

Shiii....

Var að horfa á fyrsta þáttinn á ruv af III seríu í Desperate og vá hversu spennandi getur þetta orðið? Ég held að ég verði að ná mér í alla seríuna sem allra fyrst *hóst* Harpa, Haukur, Ragna...

Held að ég meiki ekki að bíða vikuna eftir næsta þætti.

Er loksins að hressast og stefni á að fara í vinnuna í það minnsta um tíu-ellefu leytið á morgun og þá ætla ég að vona að hálsbólga, kvebbi og meltingin verði komin í samt lag.

Annars var ég að telja og ég á eftir að vinna 14 vinnudaga þangað til ég hætti. Það er nú alveg óskaplega lítið finnst mér.

Kveðja
Þessi sem er öll að hressast:)