Red red wine...

Ferming 1996

Stúðentar 2002

Grunnskólakennari 2006

Spurning um rauðan brúðarkjól?

Takk fyrir skeyti, sms, kveðjur og gjafir:)
Libba

Himininn er blár en ég alveg græn...

Þetta er bara top dollar, það er málið:)

Munið að kjósa!

Vegna mikillar eftirspurnar...




(tekið daginn sem undirrituð kom úr litun, er orðið mun ljósara núna og á næsta þriðjudag verður tekin ákvörðun um áframhaldandi háralit...)

Linda

Ég ætla að taka mér sumarfrí frá skrifum...

Kem kannski aftur í haust og þá í beinni frá Laugalæk:)

What is love...

Ég fór að vinna á 12 ára balli á síðasta föstudag í félagsmiðstöð einni hér í bæ. Einhverra hluta vegna hélt ég að þessi böll væru búin að breytast eitthvað síðan ég var í 12 ára bekk en svo er greinilega ekki. Gamlir smellir eins og I like to move it move it... og What is love.. . voru spilaðir við frábærar viðtökur allra og ekki síst mín og Bjargar sem rifjuðum upp gamla tíma síðan í Tónabæ!

Af Kambsveginum er allt gott að frétta og búið að mála kofann. Ég og AFO hjálpuðumst að með fyrri umferðina og svo kom afi speedy gonzales og kláraði þá seinni með mér. Ég hafði að vísu ekkert í hann í þessu málningarstússi! Í kvöld ætla ég að raða í litla eldhúsið mitt. Ég var svo heppin að erfa fullan kassa af fallegum hlutum frá ömmu minni henni Svövu:)

Á morgun er eitt stykki málþing í skólanum þar sem ég og Selma munum flytja niðurstöður úr rannsókn sem við gerðum. Og þá er skólinn alveg búinn! Jebb útskrift 24. júní:)

Þar til næst...

Koparbrúnhærða stúlkan!

Hanakambur á Kambsveginum...

Við fengum Kambsveginn afhentan í gær. Það var afar ánægjulegt, sérstaklega eftir að hafa elt umboðsmann leigusalans út um allan bæ til að fá undirskrift, náðum honum síðan loksins á Dillon!

Við vorum eiginlega að koma heim úr nýja kotinu okkar en ég er búin að vera nokkuð sveitt síðan í gær að undirbúa málningu (Andri var sumsé í prófi í dag en ég í tjilli því ég á bara eftir að flytja einn fyrirlestur og þá fer ég að titla mig sem grunnskólakennara). Ég ákvað því að plata hann með mér í kvöld til að klára að sparsla í síðustu götin og losa rafmagnslok og svona en á morgun verður málað. Áður en ég vissi af var ég farin að sparsla í holurnar og skrúfa lok af en hann stóð í eldhúsinu og velti fyrir sér hvernig dúk væri nú flottast að hafa á borðinu...já svona eru nú misjöfn hlutverkaskiptin!

Ég hringdi þá bara í Lottó minn mann og hann kom og hjálpaði mér aðeins:) Svo ég tali nú ekki um pabba pottþétta sem er mín hægri hönd þegar kemur að svona framkvæmdum:)

Í fyrramálið ætla ég samt að bregða mér í hárlitun og er mikið að gæla við það að verða dökkhærð og þá er ég ekki að tala um nokkrar dökkar strípur heldur bara DÖKKHÆRÐ..

Sjáum til hvort ég guggni...
Góða nótt
Litla málarastelpan sem er ótrúlega spennt að flytja í litla kotið á Kambsveginum:)

Ef þið eruð eitthvað að pæla í staupum þá myndi ég allaveganna ekki fá mér þetta...



Annars fengum við ekki íbúðina í dag, held að það sé verið að testa hversu mikið mótlæti ég þoli...annars á þetta víst að ganga á morgun og ég kem þá með nýjar upplýsingar af íbúðamálum!

Ætli maður fái sér ekki bara eitt Fernet Branca!

Valkvíðakastið mikla...


Ég er búin að þjást af miklum valkvíða undanfarna daga en í dag komst ég yfir hann. Ég tók ákvarðanir. Í stað þess að skrifa bók í sumar eins og upphaflega planið kvað á um verð ég að vinna á siglinganámskeiði í Nauthólsvík. Þar verður einnig góðvinur minn hann Borko en það var einmitt hann sem kom valkvíðanum af stað. Ég held að þetta verði afar skemmtilegt sumar:) En kann ég að sigla...syngjandi sæll og glaður til síldveiða nú ég held...sjómannslíf sjómannslíf...ójá!

Ég hlakka alveg ótrúlega mikið til, hvað er betra en að vera á kajak út á sjó í rjómablíðu og safna brúnku fyrir veturinn!

Á þriðjudaginn fáum við skötuhjúin síðan afhenta íbúðina okkar á Kambsveginum eða Kambó eins og afi kallar hann. Þar munum við dvelja næstu 13-14 mánuðina eða þangað til við flytjum af landi brott. Ég ætla því að leggja bílnum í sumar og hjóla eins og brjálæðingur út um allan bæ, síðan tekur enga stund að labba í nýju vinnuna mína sem hefst þann 15. ágúst...nú vantar mig bara ipod og þá er ég fær í flestan sjó;)

Í dag skilaði ég einnig lokaverkefninu mínu við Kennaraháskóla Íslands en það var unnið með góðvinkonu minni henni Láru Valdísi sem er alveg frábær samstarfsfélagi og á endalausar þakkir skilið fyrir að koma mér í gegnum þetta allt saman og þola allt stússið í mér:)

Ég er því aldeilis á miklum tímamótum í mínu lífi...
Góða helgi!

Hér að neðan má sjá mig með langömmu minni sem býr í Danmörku. Þessi mynd var tekin af okkur síðasta sumar. Hún verður 99 ára núna í sumar. Fyrir neðan eru síðan systkini hennar þau Bjarni og Ingrid, þau eru 95 og 96 ára:) Þau eru þá öll til samans næstum 300 ára, þokkalegt langlífi í fjölskyldunni!

Ég og langamma Edel

Bjarni og Ingrid

(Stal smá frá afa mínum)

Ég heyrði ótrúlega fyndna sögu í dag um mann sem var í sundi og var að flýtja sér í átt að klósettinu, skyndilega rann hann og datt og kúkaði á gólfið um leið! Þetta vakti að sjálfsögðu mikla athygli en það sem vakti meiri athygli var að hann beygði sig niður til að þrífa þetta upp og var þá auðvitað með fullan rass af skít! Honum hlýtur að hafa verið alveg svakalega mál greyið kallinum...

Ég veit ég er enn með svona húmor:)

Ég er ógeðslega kvefuð og nenni því ekki...hor hor hor

Ég er að "passa" systur mínar tvær, þær eru 11 og 17 ára:) Veit ekki hvar ég væri án þeirra, í morgun gat ég ekki opnað uppþvottavéladuftið og þá kom sú 17 ára mér til bjargar og áðan fór ég í sund og gat ekki smellt bikiníinu (aldrei verið verkfræðingur með svona smellur) og þá kom sú 11 ára mér til bjargar...

Ég er ósjálfbjarga vælandi krakki með hor í nös:) Eða er ég krakki? 11 ára sys spurði mig hvort maður myndi segja að ég væri kona eða stelpa....hverju svarar maður þá? Ég er allaveganna að verða kennari!

Ég er líka að leita að íbúð til leigu...einhver???

Gleðilegt sumar!

Áðan kenndi ég minn fyrsta hjólatíma eftir 9 vikna hlé...

Ég er ekki frá því að ég hafi svitnað aðeins eða meira svona "lá við aðsvifi á tímabili" en það reddaðist!

Þetta kemur...

Það var eitthvað geðveikt vesen með tölvurnar á heimilinu þannig að gaurinn í næsta húsi kom til að hjálpa okkur að tengja netið...

Ég held að ég þjáist af einbeitingarskorti, enda löng skólaganga að baki sem fer senn að ljúka...

Mikið hlakka ég nú til þegar reykingar á skemmtistöðum verða ekki leyfðar. Ég held svei mér þá að ég hafi fengið reykeitrun á Kaffibarnum í gær...

Vaknaði um sjö í morgun eftir aðeins þriggja tíma svefn og var að drepast í maganum og með þannig að bragð uppi í mér eins og ég hefði reykt svona ca þrjá pakka. Þetta var ógeð en það breytir því samt ekki að það var ótrúlega gaman á KB í gær. Ekki oft sem bæjarferð vekur lukku!

En þarna var saman komin ótrúleg grúbba, fyrst var það ég, AFO, Hjallah og Regína sem fórum saman til að hitta tvo lyfjafræðifélaga hans Hjalta, Jóa og Atla. Það kom síðan í ljós að Atli er besti vinur Kobba (Sóleyjarkobba) og bonduðum við þannig. Rex birtist rétt á eftir og féll auðvitað beint inn í hópinn. Síðan kom Tommi Hermanns, Sindri og Hannes sem ég dansaði eitt sinn við, Tommi og Sindri þekkja AFO og Hjallah og Hannes þekkir mig og Atla, nýtt bond komið. Einnig birtist Gylfi litli fyrrverandi hennar Regínu sem þekkir okkur flest öll. Því næst birtust Inga litla og Siggaliggalá sem þekkja eiginlega okkur öll og þarna sannaðist það að Ísland er það allra minnsta sem fyrir finnst...

Takk fyrir kvöldið:)
Þorgrímur Þráins!

Fáir þykjast armir í ölteiti
(armur: "vesæll")

Smá preview af því sem ég hef verið að gera um páskana...borða, sofa, drekka rauðvín, borða, sofa, drekka rauðvín, horfa á friends, hitta skemmtilegt fólk og já borða og sofa:)

Hluti af ritstjórninni í útgáfuteiti

Mommsa, systur og litla frænka

Ég og litlu hobbitavinir mínir:)

Og svo auðvitað Sufflé...

Jæja þá er það síðasta kvöldmáltíðin...

Gleðilega páska kæru vinir:)

-Lil-

Munið þið eftir 19 ára afmælinu mínu á Hjallaveginum...

Það var alveg fullt hús og ég man að einhver spurði af hverju ég væri eiginlega að halda svona stórt afmæli og væri bara 19 ára hvernig yrði eiginlega 20. ára boðið!

Minningar, minningar, minningar...höfum við eitthvað breyst?

Allaveganna ekki þeir tveir...

Var að finna þessar snilldarmyndir í tölvunni á Grunninum:)

Ragna er farin að efast um vináttu mína í hennar garð...

Þegar ég kom frá Köben keypti ég eyrnalokka handa henni fyrir göt og rétt í þessu bauð ég henni upp á appelsínubrjóstsykur sem fékk hana nánast til að æla...

Þetta er svona svipað og að gefa Álfinum hælaskó og Marghugu líkamsræktarkort!

Við erum samt ávallt sprækar:)

 

Ég er með stór plön fyrir daginn...

sum eru að vísu skemmtilegri en önnur!

1)Klára að fara yfir verkefni og gera viðurkenningaskjöl fyrir krakkana í Íslenskuskólanum
2)Klára heimilisfræðiverkefni og senda allar myndir af réttum sem ég hef gert
3)Fara út að skokka
4)Selja miða og fara á tónleika hjá mommsunni minni og afa wonder
5)Fara út að borða með hópi fólks...

Og samt ætla ég ekki of seint að sofa...
Ætli þetta takist?

Hér er ég hins vegar að verlsa í NY sem er ólíkt skemmtilegra en leiðinlegri hluti plananna!

Góða helgi:)