Lítið þarf til að gleðja...

Í morgun áttaði ég mig á því að í dag er síðasti séns til þess að láta skoða bílinn okkar þ.e.a.s miðað við þau mörk sem eru gefin. Að fara með bílinn í skoðun er auðvitað eitt það leiðinlegasta sem maður gerir vegna þess að það þarf svo lítið til að græni miðinn verði stimplaður á í stað fagurfjólubláa, svo lítið má út af bera. Hins vegar höfum við hugsað afar vel um Prince Polo svo ég átti svo sem ekki von á neinu alslæmu...allaveganna ég skellti mér í stutta pilsið og setti á mig sparibrosið, það virðist alltaf virka því jú jú ég fékk fagurgulan miða og þarf ekki að mæta aftur fyrr en 2009 takk fyrir! Bíllinn líka nýbónaður og spik and span!

Lífið gengur sinn vanagang í Hvarfinu og ÁRA dafnar vel. Fer í sundið sitt á eftir og á eflaust eftir að hlæja og skríkja. Önnur lota í næturvöktunum hefst á morgun hjá AFO en sem betur fer eru það bara 6 vaktir í þetta sinnið.

Að lokum langar mig að benda á nýja síðu sem doktorinn er búinn að stofna. Þetta eru að vísu eitthvað örlítið dýpri pælingar en mínar en einhverjir gætu haft gaman að:)

Adios

Annasöm hvítasunnuhelgi hjá Ágústu Rut...

Nú gerði ég eitt sem ég hef ekki gert í langan tíma og vona að ég fari ekki að leggja í vana...

ég pantaði mér pizzu rétt fyrir miðnætti og það alveg upp að dyrum;) Og ég ætla ekki einu sinni að segja ykkur frá hvaða fyrirtæki því það myndi alveg skemma skyndibitakeðjubannið sem ég hef verið í...skyndilindan komin á kreik aftur eða hvað??? Svona er að vera grasekkja með uglu fyrir mann!

MegaLindan er farin í háttinn með fullan maga af pizzudeigi!

-hrikalega var þetta samt gott-

Í dag byrjuðum við með Ágústu Rut í ungbarnasundi og ef við foreldrarnir erum algjörlega hlutlaus þá var hún auðvitað lang lang duglegust og flottust og hló og skríkti því henni fannst svo gaman og grét ekki neitt;) Fannst rosa gaman að syngja lögin og gera æfingarnar:) Vorum soldið ánægð með hana;) Síðan fór hún bara með pabba sínum í pottinn og prumpaði og prumpaði meðan mamman hafði sig til!

Rosa fín í Mínu bolnum sínum!
Síðan heimsóttum við "litlu Möggu" sem var ofsalega stillt og prúð með fallegu stóru augun sín:)
Tilraun til að taka mynd af ungunum, vantar reyndar 3 stóra unga, Dag Björn, Lilju Karen og Róbert Gunnar en þetta eru 4 minnstu í stærðarröð!
Jóa ofsasæt með litluMöggu
Bjarki Fannar var voða skotin í Ágústu Rut og ætlar að giftast henni eða eitthvað nema hann hafi bara kannast við stólinn?

Ansi viðburðarríkur dagur og ég er ekki frá því að það votti fyrir smá þreytu en rétt í þessu hélt AFO á sína 10. næturvakt, meiri náttuglan en þá er hann kominn í 7 daga frí. Jibbíkóla!

Myndaglaða mamman...

Mörg holl af heimsóknum!

Elísa vinkona Ágústu Rutar kíkti á okkur og auðvitað Kristín mamma hennar!

Þær voru mjög tjillaðar á teppunum sínum

Og Selma vinkona og aðalkennarinn í Laugó!
Líka Eva Björk og Viktor Andri sem setti bara brauð fyrir andlitið...
Róbert Gunnar kann sko á þessar stelpur og veit hvað þær vilja;)
Og ein af músinni að koma úr baði með fína púðann sem Sóley guðmóðir bjó til:)

Hún gleymir sko ekki guði með þennan púða!

Dáldið mikið af myndum í dag fyrir aðdáendur sem eru greinilega að spara kommentin;)

Smá myndasyrpa af Ágústu Rut álfkonu!

Í ströngum æfingabúðum

Þreyttustu feðginin. Pabbinn á leið á sína 7. næturvakt!

Ætlar pottþétt að sofna í bílnum;)
Í stuði!
Bláu augun þín...

Sniðugar svona matarkynningar...

Áðan vorum við alveg hugmyndalaus hvað varðar matseld (ekki í fyrsta skiptið oh sei sei) og skelltum okkur í Nóatún (sem er svona sparibúðin manns) þar sem var verið að kynna ýmsar nýjungar frá Casa Fiesta og ji dúddamía hvað þetta var gott, við keyptum allan pakkann og ég er ekki frá því að þetta hafa bara jafnvel bragðast enn betur þegar heim var komið:) Fyrir utan hvað þetta var fljótlegt og þægilegt! Mæli með þessu...

Allaveganna ég byrjaði að horfa á Nágranna í hádeginu í dag og þar sem að ég er algjör amatör þegar kemur að þessum þætti þarf ég aðstoð vinkvenna minna til þess að koma mér inn í þvæluna. Rosa margar persónur svona í fyrsta þætti...Elle, Rachel, Karl, Susan og og og man ekki meir haha! Hvernig er það annars er svo sami þáttur endursýndur seinnipartinn eða þarf maður að taka tvo samdægurs? Spyr sú sem horfir lítið á sjónvarp en er að setja saman gott skipulag á þáttum;)

Það var ekki fleira úr athvarfinu...

Nú hef ég ekki búið áður í Kópavoginum en annað hvort er ég eitthvað klikkuð eða veðurguðirnir aðeins að ruglast á árstíðum eða bara Kópavogurinn svona ótrúlega óútreiknanlegur en núna er rosa mikil snjókoma úti og áðan var haglél...!!!

Annars er sparibarnið farið að sofa og er búið að vera alveg extra mikið sparibarn síðan það flutti í Kópavoginn...enda er svo GOTT AÐ BÚA Í KÓPAVOGI:)

Læt eina mynd fylgja af Ágústu Rut í æfingum en hún var eitthvað að tala um að verða eróbikk kennari eins og mamma sín...bara svona til að vera eitthvað eins og mamma sín!

Loksins loksins...

gef ég mér tíma til að hripa niður nokkur orð. Helst í fréttum er auðvitað að við erum flutt í Athvarfið okkar og líkar alveg ofsalega vel. Þvílík lúxusíbúð sem hann afi minn býr í, allt til alls og gott betur enda eðalafi þar á ferð. Á laugardögum vökva ég litlu börnin hans og segi þeim að pabbi þeirra verði ekkert mjög lengi í burtu, ég hef nú ekki verið þekkt fyrir að halda lífi í blómum og átti erfitt með einn kaktus Síðan erum við auðvitað búin að setja okkar brag á íbúðina með nokkrum húsgögnum og barnadóti. AFO hefur mest megnis sett sinn svip á íbúðina með svefni en hann er búinn að vera á næturvöktum.

Þeir sem þekkja vel til mín vita að ég hefði auðvitað viljað koma öllu á sinn stað strax fyrsta kvöldið enda er ég búin að vera eins og þeytispjald út um alla íbúð að raða og flokka og það er þá einna helst dótið hennar Ágústu Rutar sem er allt komið á sinn stað og búið að raða fötunum í lita og stærðarröð og kjólarnir komnir á bleika fatastandinn. Mamman aðeins að missa en svona er bara að eiga stelpu...

Við erum hins vegar komin með nýja stefnu hvað varðar búslóð og innkaup. Fyrir hverja flík sem er keypt þarf að gefa aðra frá sér í staðinn, sama gildir um alla hluti og annan óþarfa. Það er náttúrulega ekki í lagi með mann að eiga allt þetta drasl. Hver stakk upp á því að eiga allar tegundirnar af Victoria Secret spreyjum og 400 hlýraboli. Ekki ég og tek ekki þátt í þessu lengur og hananú...þannig að ég ef ég fer að bjóða ykkur eitthvað þá vitið þið hvað liggur að baki!

Nú er það bara dóttirin sem fær eitthvað nýtt enda aðal-daman og þarf að vera ready fyrir kærastann sinn sem fæðist í september, gaman gaman og hún getur ekki beðið eftir að knúsa hann;)

Fjölskyldan er auðvitað búin að vera á fullu að hjálpa og SS orðin barnapía á heimsmælikvarða, svo ekki sé talað um alla hina sem bera og flytja dótið. Takk allir fyrir hjálpina. Þið getið svo hvílt ykkur í sumar fyrir næstu flutningatörn sem verður 1. sept og þá er stefnan sett á Grettó sprettó. Down town Reykjavík here we come...

-Ciao-

Dáldið lík mömmu sinni...

-djók-

Pakka pakka pakka...henda henda henda!

Þetta er svona það helsta sem er gert þessa dagana. Ég þyrfti að vera ansi mikil Pollýanna ef ég ætti að viðurkenna að það sé hresandi að vera að flytja með ungabarn! En ég ætla heldur ekki alveg að taka svartsýnina á þetta og fer milliveginn, þetta er svo sem ágætis tiltekt! Við verðum komin í hvörfin í lok vikunnar...

Ágústa Rut er samt bara glöð með þetta og ánægð að passa í Megasarbolinn sinn! Fór síðan að kjósa með fínu húfuna frá Ellu skáömmu sinni!
Vissi ekki alveg hvort hún ætti að fylgja róttækum aðgerðum föður síns eða mjög svo skynsamlegum móður sinnar;)
Hitti síðan Franklín tjillara, litla I og stóra I en þar borðuðu foreldrarnir yfir sig. Stanslaust át frá sex til miðnættis! Takk fyrir okkur:)

-Later aligater-

Ágústa Rut er loksins orðin eðaldama eins og amma Rut og var að eignast sína fyrstu Louis Vuitton tösku. Amman sjálf sá auðvitað um að koma því í kring!

-Dáldið hissa á þessari nýju tösku-

Ég var að komast inn í meistaranám...

Til hamingju ég:) Verð orðin meistaði í menntunarfræðum áður en langt um líður!

Meira hvað maður getur verið klikkaður...

við rukum út áðan með Ágústu Rut í heimsókn til Afa Wonder til að skoða nýju híbýli okkar og gleymdum að taka skiptidótaríið með. En hún hlýddi okkur og kúkaði ekki í heimsókninni:)

Okkur leist mjög vel á allt og erum svaka spennt að flytja...

-Mikið er ég heppin að eiga svona góðan afa-

2 mánaða í dag:)

Glöð með lífið í Geislanum!
en er líka spennt að flytja í Álfkonuhvarfið...
og er með allt dótið sitt hjá sér!

Annars fór ég í dag í Smáró, farin að æfa mig í því að vera í Kópavoginum, og keypti mér gallabuxur, pils, þrjá boli og eina gollu...og það á mettíma! Að vísu með góðri aðstoð Síu. Ágústa Rut fékk líka smá enda á hún svo lítið af fötum...einmitt!

-Góða helgi-

Á götunni...

og með ungabarn! Nei ég segi nú svona en það liggur við. Þannig er mál með vexti að í fyrradag ætluðum við að endurnýja samninginn okkar á Kambó en við yfirferð á íbúðinni komu upp rakaskemmdir í svefnherberginu með tilheyrandi myglu og ógeði, þannig að við getum ekki hugsað okkur að búa þar áfram, hvað þá með ungabarn. Sýni úr myglunni eru í rannsókn núna því þetta getur verið hættulegt en við vonum auðvitað ekki því þá eru öll fötin okkar ónýt! Nóg að rúmið og náttborðið fari á haugana...

Allaveganna þá erum við ekki bara óheppin heldur eigum við yndislega fjölskyldu sem vill hafa okkur. Fyrst gistum við á Grunninum þar sem var dekrað við okkur og núna erum við komin í Geislann þar sem er ekki síður dekrað við okkur og við verðum hérna næstu tvær vikurnar. Fram á haustið ætlum við síðan að dvelja í íbúðinni hans Afa wonder wonder sem er svo yndislegur að leyfa okkur að vera á meðan hann er í Danmörku. Við verðum því orðnir Kópavogsbúar von bráðar í Álfkonuhvarfinu eða Álfkonu(at)hvarfinu eins og afi kallar það núna. Í haust getum við svo vonandi flutt í eina góða íbúð en það er í vinnslu...

Svona tekur lífið stundum 180 gráðu snúning á nó tæm...
Við erum hins vegar bara eiturhress og tökum þessu með stóískri ró og sem betur fer er Ágústa Rut algjör selskapsmanneskja og finnst ekkert betra en að vera með nóg af fólki í kringum sig.

Við vorum rétt í þessu að kanna gönguleiðir hérna í Grafarholtinu og ég skundaði hérna um með Silver crossinn...

Já já alltaf nóg að gerast hjá Ottósson fjölskyldunni;)

Afmælis afmælis...

Ég hef staðið mig illa í afmæliskveðjum undanfarna daga en ætla að bæta úr því.

Á skírnardag Ágústu Rutar átti móðir mín 45 ára afmæli. Hún ber þann aldur betur en nokkur annar enda er hún líka langbezta mamman í öllum heiminum. Ef eitthvað er að þá fer maður til mömmu sinnar;)

Þann 30. apríl áttu síðan Logi og Magga Dís afmæli, þau eru alveg svakalega líkar týpur enda eiga þau afmæli sama dag...til lukku með það!

Í gær fagnaði Ása amma mín síðan 62 árum og er hún ein sú hressasta sem fyrirfinnst á þeim aldri. Til marks um það sagði hún t.d fyrir nokkrum dögum að hún þyrfti að fara að drulla sér heim:) Sýnir hvað hún er ung í anda enda fáir á sjötugsaldri sem nota það orðalag.

Til hamingju allir!

Logi "sveittur gangavörður"
Ég, amma og mamma að tjútta á Ítalíu!

Nokkrar mömmupælingar...

1. Af hverju fá mæður ekki greitt 10% ofan á fæðingarorlofið fyrir að vera í 100% vinnu við að skipuleggja fataskáp barna sinna. Það er ekkert djók hvað þetta er mikil vinna...svona ef maður ætlar ekki að gleyma að nota neitt.
2. Ætli allar mæður eigi uppáhalds brjóst? Mitt og Ágústu Rutar er klárlega það vinstra. Spurning hvort að það tengist því eitthvað að vera vinstri sinnuð eða kannski að þá er hægt að vera í tölvunni með hægri...
3. Þegar maður er í fæðingarorlofi og er kannski heima allan daginn þá verður til dáldið skemmtileg rútína: Maður draslar allt út og tekur svo til eftir sjálfan sig, draslar-tekur til, draslar-tekur til...o.s.frv.

Þess vegna er svo gaman að fara í heimsókn eitthvert því þá kemur maður heim í allt hreint. Ég og Ágústa Rut ætlum reyndar ekki í kröfugöngu í dag, það væri þó eitthvað til að hlífa draslinu, í staðinn ætlum við í göngu í Húsdýragarðinn með Franklín vini okkar og foreldrum. Ágústa Rut þarf auðvitað strax að byrja að læra nöfnin á dýrunum, svona klár eins og hún er...og nú tala ég af algjöru hlutleysi;)

Læt fylgja með ráð dagsins:

Ef þig vantar snudduhaldara á nóttinni: Talaðu þá við Mosa mörgæs, hann er alltaf til í að aðstoða;)
Hann vill líka leggjast ofan á kollinn á litlum börnum í staðinn fyrir mömmu hönd;)

-Mosi mörgæs=Þarfaþing allra mæðra sem vilja fá svefnfrið-