....í vinnunni skemmti ég mér vel trallallalllallllallal!!

Eins og ávallt var eintóm gleði og hamingja í Adidas búðinni í Kringlunni. Siggi fékk áfallahjálp þegar hann kom í vinnuna og var sprækur það sem eftir lifði dags og náði þeim einstaka árangri að vera í 2. sæti í sölukeppninni. Arnan sló öll met og var tryllt á kassanum.....straujaði kortin hægri vinstri. Einar var svo góður á kantinum eftir lítilsháttar djamm í gær.

Ég tók þá ákvörðun þar sem þetta er svo yndislegur hópur að gefa þeim öllum eina milljón ef ég vinn þann stóra í lottóinu í kvöld en eins og flestir ættu að vita þá er potturinn sexfaldur í kvöld!!

Annað sem ég myndi gera ef ég fengi vinninginn (sem eru góðar líkur á því ég valdi eina svakalega röð) er að kaupa mér litla sæta íbúð niðri í bæ sem er með áfastri íbúð fyrir Krunku þar til hennar tilvonandi flytur heim, bíldruslu því við erum búin að selja okkar sem er ónýt. Ég myndi kaupa allt nýtt og flott sem mig langar í í búðinni, klára Geislann fyrir Rut og Lottó og flytja þau þangað inn, styrkja einhverja í Indlandi (svona aðallega fyrir Andra) og margt margt fleira.......hvað segið þið kæru strumpar, allar hugmyndir vel þegnar?????

Í kvöld er svo slúðurkvöld hjá Baðhúspæjunum Helgu, Röggu og mér.
Skipulagsplan:
19:40 Ragnheiður mætir fyrir utan hjá mér og við pöntum pizzuna.
Keyrum í Nóatún og kaupum nammi og gos. Ragnheiður: Djúpur, Helga: Sambó lakkrís, Ég: borða allt nammi.
Sækjum pizzu og erum komnar til Helgu um áttaleytið.
Klæðnaður: hómíföt, víðar buxur og flíspeysa.
Stelling: legið uppi í sófa með tærnar uppi í loft og kjaftað og étið!!

Ekki slæmt það!!!

Eftir þetta verða bara nokkrar klukkustundir þar til ég hitti minn heitelskaða og sé ég fyrir mér hina ýmsu fagnaðarfundi!!!

Fréttir af þessu og ýmsu öðru á mánudagsmorgun.
Þangað til lifið heil!!