Besti dagur ársins...?

Ég held að dagurinn í dag sé án efa besti dagur ársins enda er að birta til, snjórinn er farinn, maður finnur hvernig vorið nálgast og grámyglan er að leka úr manni...

Janúar er búinn í dag:) Heldurðu að þunglyndið sé ekki farið úr manni núna Sóley?

Nú getur maður byrjað af krafti í öllu enda kominn tími til. Ég held að það ætti ekki að byrja neina starfsemi fyrr en um mánaðamótin jan/feb, þá eru allir búnir að jafna sig eftir jólin.
Einhverjir sammála?

Hafið það gott í dag...það ætla ég sko að gera!
Lil JO

Ég hef dulda listræna hæfileika sem eru að brjóta sér leið út úr skurninni....

Ég er ekki frá því að ég hafi fengið snert af sjálfstrausti hvað varðar myndlist þegar ég gekk út úr Listaseli Kennaraháskólans í dag.

Eftir að hafa lært pappírsþrykkingu og ákveðið að hafa jurta og blómaþema, teiknað eftir bergfléttu og grunnað strigann minn fyrir mitt fyrsta málverk sem mun hafa hringaþema þá hugsaði ég með mér að ég get þetta nú bara alveg. Meiri hræðslan sem er búin að hrjá mann í rúmlega 23 ár. Þannig að búið ykkur undir mjög svo listrænar gjafir frá mér í ár;)

Nú er bara að kaupa skissubók, möppu og svo aukadótarí sem hver og einn listamaður þarf að eiga og það sem gerir þetta enn betra er að mér finnst þetta hafa ótrúlega róandi áhrif á mig, ekki það að janúar hefur að vísu gert það líka!

Í kvöld hefst Idolið sem er líklegast eini sjónvarpsþátturinn sem ég hef markvisst fylgst með síðastliðin tvö ár. Kannski er það bara vegna veðmálsins sem er alltaf í adidas búðinni. Ég get aldrei fylgst með einhverjum þætti, ég gleymi nefnilega alltaf að horfa...spes

Á morgun á ég tíma í litun og plokkun sem er ekki seinna vænna áður en ég fer að líta úr eins og geimvera...seinnipartinum og kvöldinu ætla ég að eyða með Matthildi Birtu:


Sjáiði hvað við erum sætar saman:)

Auðvitað ætla ég alveg spjalla aðeins við mömmuna líka, getum nú alveg örugglega slúðrað eitthvað smá.

Einhvers staðar inni í helginni þarf ég líka að finna tíma til að klára bókina Upp við fossa og undirbúa fyrirlestur...það er sumsé engin lognmolla þrátt fyrir mikla mollu á þessu blessaða bloggi mínu!

Góða helgi allir saman, ég er farin í kríu...

Hey...það er einhver föstudagsfílingur í mér, kem með uppfærslu seinna í dag;)

Farin í Grafík, málun og teiknun! Trúið mér...ég er að byrja á myndmenntarnámskeiði, Bára hlýtur að vera hoppandi ánægð með mig;)

Ég er rosa mikill aumingjabloggari, spurning um að hætta þessu áður en þetta deyr alveg út...nje þetta hlýtur að koma

En hey snjór, þú mátt fara núna, máttir koma á milli jóla og nýárs en þetta er komið gott takk. Það er ekkert grín að búa lengst upp í sveit og lenda í öngþveitinu á morgnana þegar er svona mikill snjór og hananú!

Rosa eru samt allir duglegir í ræktinni, vá það er bara troðið í BH. Elsku fólk haldið nú svona áfram fram á vorið...já eða sumar það væri ekki verra;)

Æj ég ætla fara að sofa enda þreytt mjög
Góða nótt elskurnar.

Ég sef ekkert á nóttinni, fór með allar bænir sem ég kann í gær og endaði á því að telja kindur og svo get heldur ekki vaknað á morgnana, hins finnst mér rosa gott að liggja flöt milli 14 og 17 á daginn. Þá get sko sofið ójá....þetta er hins vegar hrikalega pirrandi. Tara gerir mér líka lífið leitt á nóttunni með endalausu rápi inn og út úr herberginu, hún vill alltaf vera í rassgatinu á mér og tekur sér ekkert pásu yfir blánóttina.

Núna er ég að undirbúa áætlun sem ætti að breyta þessu, var að enda við að sötra eitthvað svæfingarte, ætla að setja hreint á rúmið, taka 100 armbeygjur og skokka nokkrar ferðir upp og niður tröppurnar og þá hlýt ég að sofna fyrir þrjú! (þetta síðasta var kannski ekki alveg í alvörunni)

Ég fór í tíma í dag í málfræðirannsóknum, eflaust ágætt, enn einn greinaböggullinn sem maður les alltaf svo vel! Í vor verð ég síðan orðinn grunnskólakennari. Það verður spes...ég ætla samt ekkert að drífa mig neitt alltof mikið út á vinnumarkaðinn og er svona að reyna að gera upp við mig hvað ég get eiginlega farið...

Já svona er nú tilveran lítilfjörleg þessa dagana

Hlakka til þegar febrúar kemur, þá fer allt í fastar skorður.

The game is over...

Þetta er bara orðið full time job hjá mér að svara fólki en ég minni á lið 9 í þessu og þeir sem eru ekki með blogg geta tekið Láru vinkonu til fyrirmyndar!

Annars rúllar árið af stað í öllu sínu veldi;)
Lil

Best að ég dembi mér í þetta frá Álfinum...

Þú settur nafnið þitt í comment og ég.......

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð/lykt minnir mig á þig
4. Ég segi þér hvaða litur minnir mig á þig
5. Ég segi þér eitthvað sem meikar bara sens fyrir mig og þig
6. Ég segi þér fyrstu ljósu minninguna mína af þér
7. Ég segi þér á hvaða dýr þú minnir mig á
8. Ég spyr þig að einhverju sem ég hef velt lengi fyrir mér um þig
9. Ef þú tekur þátt í leiknum, verðu ÞÚ að setja þetta á bloggið þitt..!!

Tara er búin að taka ástfóstri við mágkonu sína, hún hreinlega eltir hana á röndum og vill helst ekki gera annað en að liggja nálægt Lindunni sinni. Svona er maður nú mikill dýravinur ha?

Ég er í letikasti þessa dagana enda var takmarkið að tjilla aðeins á þessu ári. Hafa minna að gera og njóta þess að slappa af í sveitinni.

Ég sakna þess þó sárt að hafa ekki systur mínar tvær hjá mér en þær ætla að vera duglegar að heimsækja mig og ég þær ekki satt?

AFO var að leigja Batman begins...þannig að þangað til næst hvenær sem bloggandinn kemur yfir mann....seeya
Linda

Jólin hafa verið yndisleg í alla staði. Hvað er skemmtilegra en að borða góðan mat, troða sig út af konfekti, ís og öðrum ósóma og sofa svo fram eftir degi:)

Nokkur spilakvöld hafa verið tekin og í gærkvöldi kom LA gengið til mín, að vísu vantaði Hildi og Samíu og var þeirra sárt saknað.

Það fer ótrúlega vel um okkur í sveitinni og lífið gæti varla verið betra:)

Hvert er annars planið á gamlárs?

Lilly

Ég óska ykkur öllum gleðilegra jóla.

Og farsældar á nýju ári.

Risajólaknús Linda!!

HÆ hæ hæ...

Ég er að flytja, vildi bara segja ykkur það:) Loksins ha, býð í teiti fljótlega, verður auglýst síðar.
Annars afhentum við peninginn fyrir brunninum í dag. Hugljúf stund sem við áttum með biskup og starfsfólki kirkjuhússins.

Jæja erum að fara að setja saman fataskápinn...og svo er bara að raða, flokka og skipuleggja. Love it!

Heyrumst
Grafarholtsbúinn:)

Ég vildi bara minna á söfnunina sem ég talaði um við einhver ykkar í gær. Hún er í fullum gangi og fer vel af stað ef marka má nýjustu tölur. Þið getið fylgst með hér en þessi maður sér um að halda utan um peninginn með sérútbúnum reikningi:

Reikningsupplýsingar:
0101-05-267703
Kt. 100179-3189

Ég hvet ykkur öll til að taka þátt
Góðar stundir:)

Ég sá viðtal við einn sem ég þekki aftan á Allt blaðinu eða innblaðinu í Fréttablaðinu...

Þar kom fram að viðkomandi gengur bara í Armani og Hugo Boss fötum...verst að ég var búin að kaupa Prada frakka í jólagjöf, demit;)

Kíkið á þetta...
-L-

Mikið er nú sweeeeet að vera í fríi...

Ég held ég slái þessu bloggi bara upp í kæruleysi í jólafríiinu, annars er ég búin að pakka öllu inn, Lottó sparslar og sparslar og það lítur út fyrir flutninga fyrir jól. Gaman, gaman...

Ég stend vaktina í adidas um helgina, 12-22 á lau og 10-22 á sun. Það verður stuð að rifja aðeins upp jólageðveikina í búðunum, endilega droppiði við og kastið kveðju.

Keypti fyrirfram jólagjöf á Andra í dag, það var frakki nokkur ansi flottur en síðan á ég náttúrulega hina sem ég keypti í NY.

Ætla að leggjast í fleti með ostapopp og pepsí, setja tærnar upp í loft og segja tíu sinnum, mikið er nú geggjað að vera svona í fríi (frá skólanum þá) því þrjár vinnurnar eru nú alveg á sínum stað;)

Har det bra

ÉG ER BÚIN MEÐ HEIMAPRÓFIÐ SEM ÞÝÐIR AÐ ÉG ER BÚIN Í PRÓFUM...TVEIMUR DÖGUM FYRIR ÁÆTLAÐAN DAG!

Ég ætla hafa það svoooooo gott og frábært hjá Unni Birnu, hún átti þetta svo sannarlega skilið:) Við erum svo falleg þjóð:)

Góða helgi people...

Ég fór í dag og hitti fallegasta barn í heimi...

Já skáfrænka mín er guðdómleg, ég gat varla slitið mig frá henni og fékk næstum tár í augun þegar ég tók hana fyrst í fangið. Ótrúlegt hvað svona lítil manneskja getur haft mikil áhrif á mann. Ég get sko ekki beðið eftir að sjá hana aftur:) Hlakka svo til að vita hvað litla manneskjan á að heita...hvernig væri t.d Linda!

Ég kláraði námskeiðsmöppuna í dag, gormur og allur pakkinn kominn. Á morgun fæ ég svo afhent heimaprófið og það er mitt síðasta mission á þessari önn. Ég elska að halda á skipulagsplaninu mínu og strika yfir allt sem ég er búin með. Ég bjó þetta plan nefnilega til þann 10. okt og mér fannst það óyfirstíganlegt en í dag er eitt atriði eftir og guð hvað ég hlakka til að taka blýantinn í hönd og tjékk! Þið vitið hvernig ég er:) Keypti mér líka nýja svarta skipulagsbók fyrir árið 2006, án gríns þá er ég smá spennt að vígja hana hahaha já ég er kreisí;)

Allaveganna, ég er búin að plata doktor upp úr bókunum og nú það spóla og rólegheit, vorum að koma af Vegamótum og stútuðum góðum mat og brownie...

Þetta er sweet...
Lilly

Á leið í próf og leið á prófum...

Ég er ekki frá því að ég sé með smá ónot í maganum, æj það stóð samt á upprifjuninni að maður ætti að mæta með hæfilegt magn af stressi í prófið. Ég svaf samt illa enda borðaði ég of mikið af pizzu í gærkvöldi. Skamm skamm Linda, ekki fjórar sneiðar af pizzu daginn fyrir próf:) Það hefur sýnt sig að það er mikil fylgni á milli þess að borða of mikið af pizzu kvöldið fyrir próf og ganga skítsæmilega en gleymum því ekki að það er ekki orsakasamband ónei!

innihald, innri gerð, tengsl við aðrar breytur
stöðugleiki í tíma, innra samræmi, sambærilegar eitthvað æj man ekki hvað og samkomulag....æj bara að tjékka hvort að ég muni ekki atriðin í tengslum við réttmæti og áreiðanleika...allaveganna drulluleiðinlegt blogg varð bara aðeins að slaka á...

cheers
-L-

Á morgun verð ég búin í aðferðafræðinni, á fimmtudaginn verð ég búin að skila námskeiðsmöppu og á sunnudagsmorgun verð ég búin með heimaprófið...þá get sko hrópað ferfalt húrra, farið að pakka og undirbúa flutninga og boðið jólin velkomin í öllu sínu veldi:) Kræst hvað ég er ógeðslega spennt:) Ég er algjört jólabarn, hvað með ykkur vinkonur og vinir, hverjir ætla gefa pakka og hverjir ekki, endilega kommentið á þetta, meika ekki einhverja óvænta pakka á aðfangadag;) Annars er ég með ágætt back up plan ef eitthvað kemur upp á.

Hins vegar ætla ég að tilkynna ykkur það að ég mun ekki vera öflug í jólakortunum í ár, kannski fá einhverjir vel útvaldir kort, í fyrra sendi ég nefnilega hátt í 50 kort (þeir 50 ættu að hugsa sig vel um í ár) en fékk 3 sjálf. Það er ekki hressandi fyrir mann:( Maður telur sig eiga marga vini en raunin verður svo önnur...ég mun því ekki leggja mig fram í jólakortunum í ár líkt og í fyrra.

Annars var það ekki fleira í bili
lil

Ég er með ótrúlega gott skipulag í prófalestrinum...

...það byggist á því að rífa sig upp á morgnana og lesa slatta fram að hádegi, fá sér síðan eitthvað ljúffengt í hádegismat og síðan er það gulrótin...tek seinnipartsblund frá rúmlega fimm fram að kvöldmat:) Ég elska þennan blund. Eins og áður kom fram tók ég mér frídag á föstudaginn til að núllstilla heilann. Hef síðan haldið mér við þetta kríuplan og líkar vel. Mæli með þessu, ein kría á dag í prófum kemur öllu í lag! Áðan gerðist ég meira að segja svo djörf að kveikja á einu kerti og ímynda mér að ég væri komin í jólafrí.

Jæja, þetta var ráð dagsins í boði Lindu. Það hefur sýnt sig að mikil fylgni er á milli kríublunda og árangurs í prófum!

Best að halda áfram með aðferðafræðina...
Ciao a Tutti

Já ég veit...er búin að vera aumingjabloggari!

En ég fékk skemmtilega póstsendingu í dag frá Íslandsbanka. Í henni stóð:

Það er alveg óþarfi að vera fölur og fár yfir prófalestrinum. Við óskum þér góðs gengis og sendum þér þennan brúnkuklút til að fríska upp á útlitið.
Með bestu kveðjum
NÁMSVILD

Já það eru ótrúlegustu hlutir sem maður fær frá Íslandsbanka, bókastyrk, brúnkuklúta...hvað verður næst? Plííss íbúð:) Svo ég tali nú ekki um allan jólabónusinn sem maður ef maður vinnur á nokkrum stöðum!

Annars er þetta alveg rétt hjá þeim, algjör óþarfi að taka alltaf ljótuna í prófunum og því hef ég ákveðið að smella þessum klút í smettið á mér. Ég er samt nokkuð klár á því að faðir minn, starfsmaður Íslandsbanka hefur ekki verið að skipuleggja þessa klútasendingu!

Annars er aðeins að róast hjá mér. Í nótt svaf ég í 3 og hálfan og fór svo að kenna rúmlega sex, verð að segja að það var ekkert alltof hressandi. Svimaði og varð hálf óglatt. Ég er búin í einu prófi, skilaði ritgerð og lokaverkefni í heimspeki í dag og á morgun hef ég ákveðið að taka mér heilagt frí frá lærdómi enda skiptir maður ekki svo auðveldlega úr Einari Ben. yfir í aðferðafræði, talandi um aðferðafræði...hressandi námsgrein sem nær að pota sér út um allt.

Sigurrósar meðlimir stóðu sig með eindæmum vel um síðustu helgi og loksins loksins tóku þeir lagið mitt Viðrar vel til loftárása.

Ég óska öllum góðs gengis sem eru í prófastússi og elskurnar mínar fáið ykkur brúnkuklúta:)
-L-