Hér er ég...

alveg stálslegin þrátt fyrir það að vera hvorki með lyktar- né bragðskyn! Í kjölfarið af þessari endaleysu pantaði ég mér tíma hjá háls-, nef- og eyrnalækni og á að mæta til hans á fimmtudaginn. Ég vona svo sannarlega að hann geti leyst öll mín hor- og drulluvandamál.

Ferðin til Cambridge var frábær í alla staði og þjappaði mínum frábæra kennarahópi enn betur saman. Núna er vinnan líka hafin á fuuuuuuullu og dáldið brött brekka þegar maður byrjar árið á svona utanlandsferð en allt hefst þetta þó að lokum og alltaf er þetta nú jafngaman.

Ágústa Rut eða Ága eins og hún kallar sjálfa sig er auðvitað alltaf sami æðibitinn og talar orðið út í eitt og skilur bókstaflega allt í heimi eða svona eiginlega. Okkur finnst hún auðvitað klárasta eins og hálfs árs barn sem til er en hún virðist geta sagt orðin með eða án greinis og gerir greinarmun á hvort hún segir hjól-ið eða hjóla, ok allaveganna teljum við okkur trú um þetta og er það ekki bara í góðu lagi að finnast sinn fugl fugla klárastur;) Hún er svo heppin að eiga yndislega ömmu sem hugsar um hana allan daginn meðan foreldrarnir vinna fyrir reikningunum en við krossum þó samt putta um að hún geti byrjað í leikskólanum í lok september.

Jæja ég á víst einhverjar myndir á lager sem ég gef mér vonandi tíma til að setja inn en núna er það koddinn sem kallar enda danskennsla 12 ára barna 8:10 sharp...ég meina hvaða 12 ára barn elskar ekki að dansa???

Nú er ég komin aftur með streptakokkasýkingu...

og mér finnst það mjög svo leiðinlegt og pirrandi, sér í lagi í ljósi þess að ég er að fara til Cambridge á sunnudaginn en ég er komin á pensilín sem ætti nú að slá fljótt á þetta. Ég sé fyrir mér að þetta endi á því að ég þurfi að fara í hálskirtlatöku en við skulum nú vona ekki.

Við Ára heimsóttum leikskólann í gær og henni fannst mjög skemmtilegt, hljóp út um víðan völl og lék við krakkana, tjékkaði samt alveg á því hvort ég væri ekki alveg á staðnum. Nú vonum við bara að hún geti byrjað sem fyrst en amma Rut ætlar að vera svo góð að hjálpa okkur fyrst um sinn.

Síðan dreymdi mig alveg svakalega mikinn kúk í nótt, alveg fullt klósett og fulla ruslatunnu og með mér í draumnum var engin önnur en marghugan mín þannig að nú spái ég því að önnur hvor okkar sé að fara að detta í sjöfalda pottinn um helgina! Ég mun í það minnsta splæsa í miða.

Væri nú ekki fínt að vinna svona nokkrar millur...

Ef þið eruð að reyna að koma barninu ykkar inn á leikskóla...

setjið þá pabbann í málið - það bara svínvirkar! Þessar gellur á þjónustumiðstöðvunum eru sko löngu komnar með upp í kok af tuðandi mæðrum sem hringja í gríð og erg og bölva kerfinu, þær fíla miklu betur hjálparlausa feður;)

við erum í það minnsta komin með grænt á laust pláss, að vísu í forgang út af vinnunni hans Andra en burt séð frá því - einkadóttirin er aaaalveg að komast inn á leikskóla, rétt eins og ég planaði í upphafi:) Eins og hálfs árs skal hún komast inn og hananú...

það var nú ekkert fleira svo sem í bili nema kannski að það var ógeðslega gaman í göngunni á laugardaginn og systir mín stóð sig stórkostlega vel og ég og fleiri fengum tár í augun af gleði:)

Hæææææææ....

ég er búin að setja yfir 200 vel valdar myndir inn á myndasíðuna

við erum nefnilega búin að bralla svo svakalega mikið í sumar og þessi vika er búin að vera busy - er á afar fróðlegu námskeiði í HR hjá Finnanum Lasse Savola um stærðfræðikennslu og ýmislegt annað

síðan fer ég til Cambridge að kynna mér ýmislegt merkilegt - maður er á tánum í kennarastarfinu, það er nokkuð ljóst

en nú vil ég kvitt og komment þegar þið skoðið myndir en hér er smá preview

Ára á hlaupahjóli á leið í Fjölskyldugarðinn
Klofatjékk 19. - 20. júlí
Mömmumúsin
Sushikvöld
Bölvaður klofaskapur 2008

á myndina vantar sex gesti - Brand og Eygló - Jóa og Ingu og Regínu og Rico

Kíkið nú á myndir gott fólk og skemmtið ykkur og ekki feimin að spyrja um lykilorð

-over and out-

Hvar skal nú byrja...

...nóg búið að gerast síðan ég hripaði eitthvað niður síðast.

Dvöl Kötu hjá okkur lauk síðasta föstudag með pompi og prakt þar sem Kata gaf Ágústu Rut flotta tösku og við skelltum okkur í sund. Tvær skemmtlegar vikur með henni frænku okkar og tveggjabarnamóðurreynsla fyrir mig og svona fyrir mína parta er Ára bara meira en nóg í bili.

Einnig lauk 6 morgnum í bili eða kannski bara forever því já ég var ærlega minnt á það hversu hryllilegt er að vakna alltaf svona snemma og ég held að ónæmiskerfið í mér þoli illa slíkar vaknanir því ég endaði síðan með streptakokkasýkingu um síðustu helgi og rétt náði að klára sushi og hvítvínsboðið sem við vorum með hérna á Laugarnesveginum en þegar gestirnir fóru að verða hálf tvö þá grét ég af verkjum og við sem vorum með næturpössun...alveg týpískt.

Ágústu var haldið víðs fjarri móður sinni þannig að hún fengi ekki sýkinguna og barnið var ekkert alveg að höndla það nógu vel - litli naglinn hún Ára er bara ekkert svo mikill nagli þegar allt kemur til alls og er búin að vera óhóflega mömmusjúk síðustu dagana en ég fór síðan upp í bústað til mömmu og pabba á mánudeginum en þau höfðu stolið henni með sér á sunnudeginum þannig að ég næði að hvíla mig meðan pensilínið var að kikka inn. Greyið litla hélt örugglega allan tímann að hún yrði síðan skilin eftir í bústaðnum. Reyndar er hún líka að fá svona ca. alla restina af tönnunum þannig að ekki skánar skapið við það!

Í dag finnst mér hún vera að ná jafnvægi og pensilínið búið að drepa mína bakteríu þannig að nú er okkur ekkert að vandbúnaði en að skella okkur á Klofa 2008. Ég er svona að byrja að pakka en það er nú ekkert lítið dót sem fylgir manni - þvílíkur haugur en ég geri þetta skipulega, finnst svo miklu miklu betra að pakka skipulega eins og þið væntanlega vitið...

Ég er með hrúgu af myndum sem ég þarf að setja inn en núna ætla ég að taka mér langþráða kríu meðan barnið lúrir.

Meira fjör á Laugarnesveginum...ein frænkan enn bættist í hópinn:)

Ágústa Rut (of upptekin af kubbunum), Bjarney Kata og Bríet Edel

Ég sofnaði rúmlega níu í gær - bara einn morgun eftir í vöknun!

Það er eitthvað svo fáránlega mikill hressleiki í gangi þessa dagana...

ekki nóg með að ég sé alltaf komin á blússandi swing klukkan sex á morgnana (meðan hin tvö sofa á sínu græna) heldur er líka standandi prógram og hittingar alla daga og því mikið tekið af myndum. Ég var því að bæta inn á myndasíðuna, örugglega í þriðja skiptið á ansi stuttum tíma þannig að núna heimta ég kvitt frá lesendum.

Á morgun erum við að fara í grill og gómsætt hjá A og B og síðan afmæli á fös og Eldsmiðjuna um kvöldið með S og K...

Um helgina ætlum við síðan að slappa af í Klofa og tjékka á aðstæðum fyrir Bölvaðan KLOFASKAP 2008 og þeir sem ætla mæta á hátíðina mættu endilega melda sig hér en eins og venjulega er engum boðið en allir velkomnir.

Læt fylgja með hópmyndina síðan í fyrra. Og já ótrúlegt en satt rósin mín er byrjuð að blómstra - þessu hefði ég aldrei trúað að ég gæti haldið lífi í blómi!

Líf og fjör á Laugarnesvegi...

Frænkurnar komnar á Brúðubílinn
Góðar að dunda sér í dótinu
og búa til listaverk úr boltum
Kata bjó til Húsdýragarð
Draugaleikur...

Ég er ekki frá því að það sé bara minna mál að vera með tvö - allaveganna tæplega eins og hálfs árs og rúmlega fjögurra ára! Aðeins meira action samt í sundi og svona og græja í pollagallana...

Tími 2 í rpm að renna upp - later spater

Ljómandi helgi að baki með afmælum, matarboðum og fleiri hittingum...

Vinirnir Úlfar Jökull og Ágústa Rut
Auður og familía í mat
Vinkonurnar með frumburðina
Róbert afmælisstrákur
Ára smart í afmæli hjá Úlfi

-Fleiri myndir á myndasíðunni-

kv. tveggja barna móðirin þessa vikuna!

Í gær var skitið á hausinn á mér...

heldur lítilfjörleg reynsla það - en ég hlýt bara að hafa verið fyrir blessuðum fuglinum

góður dagur, helgin að detta inn og harðsperrurnar á undanhaldi

ætla að rölta í bæinn á eftir og hitta Auði og Úlfar Jökul eða úje eins og mér finnst gaman að kalla hann:)

njótið veðurblíðunnar

Hér er ég...

útjöskuð af harðsperrum og það á þriðjudagskvöldi og vikuskammturinn bara hálfnaður en þetta hlýtur að rjátlast af manni þegar fer að líða á vikuna. Ég meina alveg fínt að kenna tvo til þrjá tíma á viku en svissa svo skyndilega í átta getur tekið á, sér í lagi þegar maður er búin að vera í áralöngu fæðingarorlofi og kannski bara ekki alveg eins mikill Tolli tryllingur eins og áður:)

en að öðrum málum sem snúa að heilsu og útliti - þessa dagana er ég með margumrædda ljótu og það að sumri til. Á einni nóttu fæddist bólugarður á vinstri hlið andlitsins sem lítur vægast sagt illa út, er búin að fá álit nokkurra úr fjölskyldunni á þessu og menn hörfa frá og benda mér á Clearasil eða aðrar bólumeðferðir:) Ég bið ykkur því að vera hægra megin við mig þegar þið talið við mig en þá ber aðeins minna á þessu!

annars bara hressleiki á heimilinu, erum svona að reyna að vera samtaka í því að fara að sofa um ellefu (við=ég og andri, ára löngu sofnuð þá) en það gengur bara akkúrat ekki neitt þannig að núna erum við búin að sætta okkur við það að við erum ekkert svona "snemmaíháttinnfólk" þannig að núna er planið að standa upp á morgnana án þess að hugsa þreyta eða annað slíkt og láta sig bara hafa það umhugsunarlaust. Gott plan?

las greinina um konuna sem tók á móti sínu eigin barni, hversu langt á þetta að ganga, ekki nóg með heimafæðingarnar heldur er þetta líka málið, fussumsvei segi ég nú bara enda brennd af minni fæðingarreynslu og vil bara hafa pottþétt fólk í kringum mig og hananú...

ætla að skella inn nokkrum myndum

Ég fór að kenna rpm í morgun...

stillti klukkuna á sex því tíminn byrjar hálf sjö. Þetta var ekki svo ýkja erfitt enda fór ég upp í rúm fyrir ellefu en var náttúrulega ekkert sofnuð ellefu heldur meira svona dáldið rúmlega. Ég var óvenju lítið þreytt fannst mér en ég get lofað ykkur að svona upp úr hádegi verð ég orðin þreyttari. Ég er líka búin að setja í tvær vélar og skipta á rúmunum. Þannig að þessir 17 ókristilegu morgnar sem eftir eru verða kannski bara pís of keik eða já spyrjið svona um miðja næstu viku...

Ef ég myndi síðan vera alveg hrikalega dugleg í hollustunni og svona þá verð ég kannski bara komin í þrusuform í ágúst og hleyp 10 km eins og ekkert sé;)

Annars er ég að fara á tapas barinn í kvöld með tveimur góðum vinkonum. Þar ætlum við að rifja upp gamlar minningar úr LA þegar þær stríddu mér og kölluðu mig Lindu bleiku:)

Þá er ég búin að svala kaupþörfinni á einkadótturina...

fór á útsölur í Polarn og Pyret og Englabörnum og gerði kostakaup - að eigin sögn í það minnsta;)

Ég meina þurfa ekki allar 16 mánaða telpur að eiga svo gott sem eitt stykki Oilily gallabuxur fyrir veturinn - jú ég hélt það einmitt;)

Maður er líka að græða svo svakalega á þessu út af kreppunni og svona...

Fór samt í endurvinnsluna með skrilljón dósir áður en ég fór af stað í leiðangurinn - bara svona aðeins til að friða samviskuna...

Nú er heimilisfaðirinn farinn að vinna aftur eftir gott og sólríkt frí...

ég hins vegar er enn í mínu fríi en fer óðum að kenna fleiri tíma í Baðhúsinu og frá með næsta mánudegi þarf ég að vakna klukkan sex alla virka daga í þrjár vikur:) Júlí verður svona "komastí brjálaðformmánuður" en ég verð með átta tíma á viku - ég held þetta verði bara ágætlega hressandi - viðbrigði að vakna en kemst væntanlega upp í vana eins og allt annað!

síðan ætlar hún Bjarney Kata 4 ára frænka mín að vera hjá mér og Áru á daginn í tvær vikur en ég held að það verði frábær félagsskapur fyrir prinsessuna á heimilinu - að hafa einhvern til að leika við. Eru ekki síðan þrjú ár á milli alveg málið...tjékkum allaveganna á því;)

Myndin er af mér, Stóra Magga og version 3.0 í Maggbræðrunum - stærðarmunurinn leynir sér ekki...

Eigiði góðan dag elskur

Í gær horfðum við AFO á myndina Notebook...

sem er kannski ekki ýkja merkilegt nema fyrir þær sakir að Andri hefur svona lúmsk gaman að fylgjast með mér þegar við horfum á svona myndir því tárin streyma ansi ört niður. Ég hef nú séð þessa mynd áður en hún virðist hafa alveg geigvænleg áhrif á tárakirtlana mína enda ótrúlega raunveruleg og yndislega falleg....

nema hvað í gær voru engin takmörk fyrir því hversu mörg tár runnu niður kinnarnar mér. Ástandið var orðið svo slæmt að lokum að ég endaði á því að taka eina panodil áður en ég fór að sofa, spreyjaði nezeril í nefið og setti kaldan bakstur á augun. Í morgun leit síðan út fyrir að ég hefði verið kýld í augun - Andri átti síðan bágt með að leyna hlátrinum en ég skil ekki hvað þetta er með mig og þetta blessaða táraflóð.

En að öðru - setti inn yfir 60 myndir á árusíðu - í júníalbúm og svo eitt nýtt sem heitir Flúðir 2008.

Nú vil sjá soldið góð kvitt í gestabókina og svona...

Í kvöld er það síðan Sigur rós og Laugardalurinn - Ára ætlar með enda fílar hún nýja diskinn vel, dormar alveg þegar við setjum hann í spilarann:)

Þá erum við komin heim...

í Laugarnesið góða - eftir tæplega vikudvöl á Flúðum en við ákváðum að keyra í bæinn í kvöld því ekkert verður úr föstdeginum þegar á að skila á hádegi - segja meistararnir allaveganna.

Við gerðum allt sem gera skal þegar farið er í bústað - borða - hangsa í hlussugallanum - fara í pottinn - borða - sofa (aðeins minna kannski heldur er undanfarin ár en skiptumst dáldið á kríum) og já gleymdi ég að segja BORÐA. Það er náttúrulega ekki eðlilegt hvað maður borðar mikið í bústað - ég spái því að ég hafi komið með aukaþrjúkíló í farteskinu eftir ferðina!

Ferðin heppnaðist eins vel og hægt er að óska sér, veðrið lék við okkur hvern einasta dag og voru gestir á annan tug en síðan áttum við líka nokkra rólega daga, litla fjölskyldan en Áru fannst svona til lengdar skemmtilegra að hafa fleiri en okkur í kringum sig og mótmælti í gærkvöldi með því að kúka á gólfið í miðjum leik og stappa hressilega á afrakstrinum, færði sig síðan aðeins lengra og meig og toppaði síðan tilstandið með því að skera sig á rakvélablaði sem hún teygði sig í þegar var verið að smúla hana í sturtunni - hún er þó ekkert illa haldin en með ágætlega djúpt sár á puttanum en ekkert sem plástur getur ekki bjargað nema hvað að það er frekar að erfitt að útskýra fyrir eins árs að það megi ekki taka hann af:)

Maður er eitthvað svo endurnærður eftir svona ferð - án internets og áreitis en þá auðvitað til í tuskið aftur! kreppuna, verðbólguna, krónuhrunið og allan þann pakka...

Einkar velheppnaður 17. júní að baki þrátt fyrir lítinn svefn vegna skyndi humar- og hvítvínsboðs sem við ákváðum að halda og síðustu gestir fóru heim um hálf fimm í nótt!!!!

Við röltum í bæinn meðfram sjávarsíðunni upp úr eitt og Ára sofnaði á leiðinni og steinsvaf í tæpa tvo tíma í bongóblíðu fyrir utan Mokka - hún vaknaði síðan eiturhress og fékk gasblöðru frá guðföður sínum og skemmti sér konunglega í bænum.

Setti inn nýjar myndir á 123.is/agustarut og nú er alveg tími fyrir pítsu jafnvel....humm

Við vinkonurnar í sælunni á Mokka

Fórum í þrusuútskrift hjá Hjalta í gær...

tók nokkrar myndir af þeim LA-félögum

tres amigos
Allt gengið mínus Jón og Brandur í hans stað!
Andri mætti prúðbúinn í veisluna
Gestgjafarnir fallegu:)
Og Hjalli lyfjafræðingur í fáránleg miklu stuði

-Takk kærlega fyrir okkur-

Sumarfríið byrjar nú aldeilis vel...

bæði veðurlega og viðburða séð!

Dagur 2 hófst á hjólatúr okkar mæðgna og að þessu sinni lá leið okkar inn í Skeifu og síðan í Markið eftir arfaslaka ferð í Örninn sem hlýtur ekki góða einkunn hvorki fyrir vöruúrval né verð. Markið hins vegar sló í gegn og ekki var verra að þekkja starfsmann þannig að við það bættist afsláttur og út fórum við með körfu á hjólinu og daman með nýjan hjálm og brúsa:) Maður verður nefnilega skrambi þyrstur í svona hjólatúrum.

Þegar heim kom beið Lára okkar með dýrindis bakkelsi úr Jóa og flatmöguðum við síðan í garðinum meðan barnið svaf vært á svölunum. Lára náði þarna af mér einni kríu en bætti það upp með frábærum félagsskap:)

Eftir lúr skelltum við Ára okkur á Lölluróló en það er greinilega "the place to be" þessa dagana en þar safnast saman allar dagmömmur hverfisins og mæður í orlofi og skiptast á fréttum um börn og buru. Spurningar eins og hvar eru með hana á biðlista? Hvað var hún löng í 1 árs skoðuninni? vorum algengar. Ég er sem sagt búin að sjá flest öll börn hverfisins sem bíða óþreyjufull líkt og Ára um að komast inn á Laugaborg og það eru alls ekkert svo mörg á undan henni í aldri yeeeeesssss!

Síðan kom heimilisfaðirinn heim og hugmyndin var að skella sér í notalegan dinner á Santa Maria en hann varð nú ekki notalegri en svo að Ára neitaði að sitja í meira en mínútu í stólnum og vildi bara hlaupa um staðinn og skoða allt og fara út og upp tröppur og guð má vita hvað meira. Við skiptumst því á að skófla í okkur annars ágætum mat og rukum svo út með kókið í annarri og barnið á hlaupum. En við hlóum nú bara að þessu, svo sem ekki við öðru að búast með 15 mánaða orkusprengju með sér!

Að lokum endaði ég daginn á huggulegum hitting hjá Láru þar sem orlofsgrúbban skiptist á sögum og glápti á Grey´s...

Svona aðeins meira á prjónunum þessa frídaga heldur en venjulega...

Dagur 3 hefur heldur ekki verið af verri endanum. Sund upp úr níu og kría í hádeginu. Sía mætti síðan galvösk og skellti sé á róló með okkur og við hétum því að verða aldrei dagmæður - dáist að þessum konum að vera með fimm börn á mann! Við komum síðan einum ís niður og röltum aðeins um fallega Laugarnesið. Rpm-ið var á sínum stað 17:45 og ég frumflutti nýja prógrammið nr. 39. Heima beið mín síðan Mappi og burger ásamt einum lite...huggulegt.

AFO er í zen og á eftir einn vinnudag og getur þá dottið inn í afar fjölbreytt og skemmtilegt dagsprógram okkar mæðgna.

Við erum síðan búin að ákveða að eyða páskunum 2009 á Flórída og verður förinni heitið til Orlando þann 7. apríl. Nú er bara að opna sparireikning.

Rosa langt hjá mér í dag en svona er þetta stundum
Á morgun verður Brúðubíllinn á Lölluróló og við mæðgur mætum að sjálfsögðu og vonandi Álfrún og Eldur með okkur.

oh...

var búin að rita ansi langan pistill hérna sem fjallaði að mestu leyti um það hvernig á að haga sé sem supermom í orlofi, heimsókn til Auðar og tengdasonar míns í morgun og spjall okkar um barnauppeldi, svefntíma og brjóstagjöf...en það datt allt út og ekki nokkur leið að ég nenni að skrifa allt aftur en...

við mæðgur hjóluðum sem sagt á Sjafnargötuna til þeirra og eyddum morgninum með þeim í góðu yfirlæti og rúnstykkjum. Klárlega eitthvað sem verður endurtekið margoft í sumar.

við náðum síðan heim rétt í tæka tíð fyrir lúrinn hennar áru en hún dottaði aðeins á hjólinu á leiðinni:) Við lögðum okkur síðan í tæpa tvo tíma, ára í krossaranum og ég í rúminu - eittthvað sem verður líka örugglega endurtekið margoft í sumarfríinu!

flökkuðum síðan um bæinn og útréttuðum aðeins og komum heim um sama leyti og heimilisfaðirinn sem byrjar í sumarfríi á föstudaginn.

svo var það einn rpm tími og núna er ég bara ansi þreytt því það tekur á að vera supermom í orlofi;)