Markvert og ekki svo markvert...

Undanfarin þrjú kvöld höfum við AFO eldað þrjá góða rétti úr bókinni "Eldað í dagsins önn" -fljótlegir og hollir heimilisréttir. Fyrst ber að nefna Indverskan grænmetis- og lambakjötsrétt að viðbættum "smá" cayanne pipar frá AFO sem gerði hann ansi sterkan og góðan fyrir hverskyns kvefdrullu. Tengdaforeldar mínir komu í mat og kunnu vel að meta.

Í gær var það síðan kjúklingabaunaréttur, dásamlegur og hollur og það er mjög sjaldgæft að ég beikon-bomban kunni að meta slíka rétti.

Í kvöld var það spergilkálssúpa og kartöflur í ofni með hvítlauk og engiferrót. Hollt og gott og nauðsynlegt að fá sér góða súpu þegar kólnar í veðri.

Á morgun ætla ég að demba mér í "Fljúgandi Jakob" en í honum eru 5 beikon sneiðar og fæ ég þá þeirri þörf aðeins svalað;)

Mæli með bókinni, ég er ekki frá því að það verði bara skemmtilegt að elda með þessar uppskriftir, í það minnsta fyrir svona húsmæður eins og mig sem eru með 10 þumalfingur þegar kemur að eldamennsku!

Flensan í síðustu viku var heldur leiðinleg verð ég að segja, fékk hita í 6 daga og þurfti svo alveg góðan tíma til að jafna mig en er stálslegin í dag. Hef fengið ca. 5000 fyrirspurnir um hvort að þetta hafi verið svínaflensan en ég er lítið í að sjúkdómsgreina sjálfa mig og get því engu svarað - líkur á því samt tiltölulega háar.

Í dag eignaðist ég svo nýjan "vinkonuson" hennar Auðar Öglu og hans Eyfa. Myndarpiltur, ekki nema 19,5 merkur og því engin smásmíði, fæðist bara 3 mánaða og gott betur. Nú hef ég ekki fætt barn gegnum fæðingaveginn en ég geti svona ímyndað mér að þetta hafi verið smá átök!

Bið ykkur svo bara að lifa heil og ég ætla ekki að láta þetta blogg mitt drabbast niður en svona er þetta bara stundum.

Ágústa Rut Andradóttir

Snillingurinn okkar hún Ára er byrjuð á Laugaborg og er alveg hæstánægð - við vorum alltaf ánægð með Ægisborgina en hún er einhvern veginn bara í skýjunum að vera komin í hverfið sitt og við hliðina á vinnunni minni. Á hverjum degi hleypur hún á móti manni og segir að það hafi verið rosa gaman á leikskólanum. Það sem hjálpar henni líka mikið er að Fransiska nágranninn okkar hérna á 3. hæðinni var líka að byrja en hún er 4 ára og þær leika mikið saman í útivistinni og eru sko beztu vinkonur. Fransiska sagði mömmu sinni um daginn að hún og Ágústa ætluðu sko að giftast!

Þessa dagana eru miklar pælingar í gangi í tengslum við stelpur og stráka. Hún segir ósjaldan að strákar séu með typpi en stelpur "bullu" (við vitum ekki hvaðan nafnið bulla kemur en leyfum henni bara að kalla þetta bullu) Um daginn sagði hún síðan við pabba sinn: "Þegar þú varst lítill pabbi þá varstu bara með pííííínulítið typpi" jahá gott að vera með það á hreinu. Í hvert skipti sem við förum í sund segir hún mér líka alltaf að pabbi sé með typpi en við tvær með bullu. Síðan heyrist alltaf þegar við erum tvær einhvers staðar: "Bara við tvær stelpurnar" og það þykir soldið sport:) Hún virðist líka halda að maður verði strákur með aldrinum því hún segir stundum við Andra að þegar hún verði stór þá muni hún kunna að vera með typpi!

Bleyjuleysið gengur súpervel og mér hafði ekki órað fyrir að þetta gæti gengið svona vel. Ekkert slys á leikskólanum og rosa dugleg að segja til. Komu að vísu nokkrir dagar þar sem hún neitaði að gera nr. 2 og hljóp um allt og herpti rasskinnarnar á sér saman en síðan kom þetta allt saman þegar amma Rut stakk upp á því að láta hana blása í blöðru á klósettinu og stundum fær hún blöðru þegar illa gengur;)

Við erum bara svo ofsalega stolt af þessari litlu veru sem lyftir lífinu á hærra plan með hverjum deginum sem líður.

ps. massavís af myndum á myndasíðunni og muna að kvitta fyrir innlit - það gleður ennþá

Reykjavíkurmaraþonið 2009

Í ár var ég staðráðin í að hlaupa 10 km og á góðum tíma. Í vor þegar ég byrjaði að huga að þessu hugsaði ég með mér að nú væri alveg málið að æfa þrusuvel fyrir þetta og ná góðum tíma. Síðan líður bara alltaf sumarið og maður rétt dettur 2-3 í hlaup og svo er alltaf bara komið að þessu.

Hins vegar var ég búin að kenna aðeins í Hreyfingu í ágúst og taka nokkra hjólatíma og pump sem hjálpar alltaf til. Andri hafði lofað að hlaupa með mér til að ég næði betri tíma en svo var hann auðvitað með þessa fáránlegu afsökun að hann væri í gifsi;) Það sem bjargaði síðan öllu voru hérarnir sem hlupu með blöðrur merktar 40-45-50 o.s.frv. Ég stefndi á 50 mín en fannst alls ekki raunhæft að ég næði þessu undir 53. Kvöldið áður útbjó ég trylltan playlista sem spilaði stórt hlutverk og síðan fylgdi ég 50 blöðrunni og hún kom mér í gegnum síðustu 3 km þannig ég næði þessu undir 50 og var lokaniðurstaðan 49:21, miðað við flöguna. Þrusuánægð með þetta og líka að ég var loksins fyrsta systirin eftir nokkurra ára pásu;) Hinar tvær stóðu sig ekki síður vel og voru rétt á eftir mér. Mamma sló síðan öll met þegar hún hljóp 3 km undir 15 min en mamma byrjaði bara að hlaupa í sumar - algjör snillingur og hún kom svo hratt í mark að við náðum henni ekki einu sinni á mynd!

Jæja kæru vinir...

það er mikið að maður lætur sjá sig hérna á síðunni! Ég hef bara verið einstaklega upptekin og ekkert gefið mér mikinn tíma í tölvuhangs sem skýrir almennt mynda- og bloggleysi. Haustið er að byrja og það er minn tími, skólinn kominn af stað, Hreyfing að komast í gang en ég hef verið að leysa aðeins af undanfarnar þrjá vikur og alveg ljómandi skemmtilegt að fara að kenna aftur.

Í vetur verð ég síðan með freestyle fyrir 8-10 og 10-13 ára í Dansskóla Ragnars og hvet ykkur auðvitað til að skrá börn sem eru á þessum aldri og á ykkar snærum;) Og auðvitað ef þið viljið loksins láta drauminn rætast þá eru frábærir byrjendahópar í samkvæmisdönsum fyrir fullorðna líka!

Að lokum er ég búin að skrá mig í blessaða Reykjavíkurmaraþonið - 10 km verða það í ár og nú hvet ég ykkur öll kæru vinir og fjölskylda til að heita á mig til styrktar Styrktarfélagi Krabbameinssjúkra barna en þið hafið jú flest öll fylgst með litlu hetjunni okkar honum Úlfari Jökli sem gekk í gegnum erfiða lyfjameðferð síðast liðinn vetur, aðeins nokkurra mánaða gamall.

Það geta allir séð af einum 500 eða 1000 kalli í gott málefni ekki satt? Hér er hægt að skrá áheit.

og svona ykkur að segja þá væri ég til í að hlaupa á 50 mínútum en látum það samt alveg liggja á milli hluta!

Jæja komið gott af áróðursbloggi og ég lofa myndum í vikunni:)

Hjalti K. K fyrir Klofi - eini úr hópnum sem hefur mætt öll árin! Ómissandi hlekkur.

Gin og Klofaveikin 2005
Geðklofi 2006

Klofinn í herðar niður 2007

Bölvaður klofaskapur 2008

Klofi Annan 2009

-Að sjálfsögðu að öllum öðrum ólöstuðum sem hafa gert þessa hátíð að því sem hún er-

Jæja gott fólk núna eru allar myndirnar úr sumarfríinu komnar inn, plús nokkrar fyrir frí. Þetta eru tæplega 300 myndir og ég er líka búin að skrifa undir flestar fyrir þá sem vilja fylgja ferðasögunni. Þetta þýðir einungis eitt: "Ég heimta kvitt fyrir innlit". Veit ekki hvað það er en eitthvað svo notalegt að vita hverjir eru að skoða:)

Ég þarf síðan endilega að setja inn nokkrar af meistarastykkinu mínu í lökkun - rúminu góða sem heimasætan sefur núna vært í:)

Annars er mjög mikill hressleiki hér á bæ - allir í fríi og nóg að gera í hittingum og tjilli. Klofi annan um næstu helgi og við höfum ekki við að taka við skráningum en minnum þó á mottóið - engum boðið en allir velkomnir.

Smá myndir sem Haffitas tóku...komum heim á eftir!

Ís til að kæla sig niður

Stolist til að smella af í Duomo

Skylda að vera með sundhettu í lauginni

Sætasta sem er búin að vera ofurstillt í allri ferðinni:)


Minnum síðan á KlOFA ANNAN 2009 sem verður um næstu helgi. Skipulagning er komin á fullt - Engum boðið, allir velkomnir!

Í dag skelltum við Svava okkur til Genova, ég rifjaði upp gamlar minningar og Svava kynntist því umhverfi sem ég bjó í 4 mánuði! Þeir sem vilja rifja Genova upp, geta valið 2004 og frá sept. - des. hérna á blogginu. Ára hins vegar eyddi deginum með pabba sínum, Haffa frænda og Kari frænku í Mílanó og fékk að fara í öll þau tæki sem hún vildi og prófaði lest, slökkvibíl, flugvél, mótorhjól, sportbíl, prinsessuvagn og bolla. Myndinar hér að neðan lýsa stemningunni...

Nýjar myndir inni á Áru-síðu - muna að kvitta fyrir heimsókninni!

Ég er síðan búin að fara á forútsölu í Englabörnum og POP og var að sjálfsögðu hófsemin uppmáluð enda vill maður eiga eitthvað til góða í Stokkhólmi;)

Sé einmitt að POP í Sverige er með 50% afslátt á útsölunni...

en að öllu gríni slepptu verður lítil áhersla á kaup í þessari ferð nema náttúrulega að eyða fermingarpeningunum hennar Svövu;)

Mér finnst ég og AFO alveg fáránlega góð samsetning þó ég segi sjálf frá...

ekki bara af því við erum ólík og vegum þá einhvern veginn hvort annað upp heldur líka bara af því við erum stundum ótrúlega lík eins og þegar kemur að því að hlaupa - þá kemur ekki bara keppnisandinn ljós heldur brjálaða keppnisskapið líka.

Eins og t.d áðan hlupum við dáldið góðan hring - frá Laugarnesveginum, Laugalæk, út á Sundlaugarveg og upp á Laugarásveg að Langholtsvegi, Langholtsveg á enda, framhjá Mörkinni, út að Glæsibæ, upp á Suðurlandsbraut, inn á Engjaveg, framhjá Skólagörðunum, inn í Laugardalinn og hann í gegn, framhjá Laugardalsvelli, WC, sundlaugunum og heim á Laugarnesveginn aftur - nú er ég ekki 100% á vegalengdinni en skýt á 7 km (hjóla þetta á morgun og tjékka á því). Þetta tókum við á mjög góðum hraða, að mestu leyti af því að Andri var að leika héra og ég með mínu keppnisskapi að halda í við hann en líka út af því að við peppum hvort annað einhvern veginn upp...

allaveganna nú er stefnan sett á að hlaupa 10 km á góðum tíma í ágúst, minn besti er 46 mínútur en þá var ég ung og frá á fæti, nú er ég aðeins þyngri og ansi mörgum árum eldri en mun þó pottþétt stefna á að ná svipuðum tíma og þeim bezta. Það lítur út fyrir að maður verði að taka smá hlaup í Stokkhólmi og Mílanó.

en þrátt fyrir að við séum góð saman getum erum við líka hræðileg þegar kemur að því að vera í aðhaldi hvað varðar mat og sætindi. Við komum með frábærar hugmyndir um að standast freistinguna en síðan er ég alveg fáránlega góð í að koma með góðar hugmyndir að svindli og Andri þeim mun betri að samþykkja þær. Núna hins vegar hefur þetta gengið ágætlega undanfarna daga en ég þarf að hafa mig alla við að stinga ekki upp á einhverjum fjárans skyndibita, Hlölla, Devitos og þar frameftir götunum - skyndilindunafnið varð ekki til fyrir ekki neitt!

Ég á síðan bunka af myndum fyrir júnímánuð - annað en brúðkaupsmyndir (þó þær gleðji nú alltaf augað) og stefni á að setja þær inn fljótlega - leyfi kannski bara mánuðinum að klárast. Set þó eina hérna af yfirstjórnandanum hérna á heimilinu - fröken Ágústu Rut að leika á Laugaborg:)

Heldurðu að...

Fyrir síðustu helgi hittumst við Andri, Kobbi og Sóley og horfðum á brúpkaupið á video - aðallega sökum þess að Kobbi missti af öllu saman en líka bara af því að mér leiddist nú ekki að horfa á þetta aftur!

Við horfðum á allar ræðurnar og ég hló og grét til skiptis líkt og í veizlunni. Ómetanlegt að eiga þetta svona á "teipi"

Í kjölfarið af þessu barst það í tal að ég væri dáldið gefin fyrir svokallaðar "heldurðu" spurningar og um leið og Sóley nefndi þetta samþykkti Andri um hæl að hann væri ósjaldan að svara slíkum spurningum. En "heldurðu" spurningar eru spurningar sem hafa yfirleitt ekkert rétt svar og eru meira svona bara til að blanda náunganum inn í málið og fá hans álit og skoðun. Ég vildi nú meina að þetta væru smá ýkjur hjá þeim en eftir dæmin sem þau gáfu fór ég að hallast að því að ég spyr mjög oft heldurðu spurninga.

Síðast í gær stoppaði ég sjálfa mig að því að vera búin að spyrja heldurðu spurninga í hátt í klukkutíma. Áran nefnilega enn og aftur veik, ekki í fyrsta skiptið á þessu ári en VONANDI í það síðasta! Þá sá ég að ég dritaði heldurðu spurningum á Andra: "heldurðu að við ættum að pústa hana með hinu pústinu", "heldurðu að henni hafi orðið kalt í sundi", "heldurðu að hún fái aftur í lungun" og þar frameftir götunum....

Vandamálið núna er að ég er orðin svo fáránlega meðvituð um þetta og er alltaf að stoppa mig af og segja sorry þetta er heldurðu spurning...

Það drífur aldeilis meira en nóg á daga manns í fríinu og ég velti fyrir mér hvernig ég geti mögulega bara verið í fullu starfi á veturna. Dagarnir eru þéttskipaðir og aldrei lognmolla....

...en talandi um vinnu. Núna leita ég mér af örlitlu aukastarfi fyrir næsta vetur því yfirvinna verður af mjög svo skornum skammti ef einhvern meðal kennara. Ég dey hins vegar aldrei ráðalaus og er auðvitað svo heppin að geta kennt ýmsa sprikltíma, nú er bara að finna staðinn til að kenna þá! Ég fer t.d í eitt atvinnuviðtal á næsta mánudag og er dáldið spennt að sjá hvað kemur út úr því.

Annars er hressleikinn til staðar hér á Laugarnesveginum sem aldrei fyrr nema við foreldrarnir værum alveg til í að dóttir okkar myndi sofa ögn lengur á morgnana 6:eitthvað er bara ekki alveg nógu spes í langan tíma en nú er búið að stytta dagsvefninn heilmikið og við finnum strax breytingu. En hvað er maður eiginlega að kvarta....í fríi og get alltaf lagt mig:)

Síðan eru brúðkaupsmyndirnar komnar í hús, ekki leiðinlegt það og margar hreint ansi góðar.

Hver getur ekki góðum brúðkaupsmyndum á sig bætt?

Ég luma líka á fleiri myndum þrátt fyrir að hafa stútað vélinni okkar ásamt einum kökudisk en það er nú önnu saga....

í dag er það fjall með góðum vinkonum, vona að rokið fleyti mér lengra en síðan - er svo ferlega rokhrædd alltaf!

Í síðustu viku setti faðir minn upp þessar huggulegu snúrur á svölunum okkar. Mér finnst eitthvað svo notalegt að horfa á þvottinn sveiflast þarna fram og tilbaka og hvað þá þegar vindurinn blæs vel og hann þornar á no time! Bylting í þvottasögunni hérna á Laugarnesveginum og sparar ófáar ferðir niður í þvottahús.

Mér fannst samt rausnarlegast af honum föður mínum þegar hann spurði hvort hann ætti að hafa aðra snúruna í hæð AFO. Ég taldi þess ekki þurfa að svo stöddu;) Hann gæti þá bara beygt sig aðeins öll þessi skipti sem hann hengir upp:)

Annars er alltof huggulegt að vera í fríi og stundum bara gott að vera svona eini á heimilinu í fríi og geta gert hluti sem annars aldrei eru gerðir t.d. að flokka flöskur og dósir, taka til í geymslunni, þrífa bakaraofninn, tæma allar þvottakörfur, sortera dót prinsessunnar, taka til í fataskápum, þrífa bílinn og já svona mætti lengi telja;)

Plús auðvitað að leggja sig, það er mjööööög mikilvægt svona einu sinni yfir daginn og nú hefst lögn dagsins!

-Linda í sumarfríi-

Í dag fór ég í viðtal á Laugaborg...

leikskólanum sem Ágústa Rut byrjar á í ágúst. Það verður mikill munur að vera í göngufæri við leikskólann og ekki verra að ég sé að vinna í næsta húsi.

ég fyllti út allskyns blöð eins og gengur og gerist en skemmilegasta breytingin var klárlega að haka í "gift" reitinn;)

ég fékk yfir 100 myndir frá Örnu síðan í brúðkaupinu og ætla fara að setja eitthvað af þeim í nýja möppu á Árusíðu. Þið verðið að afsaka, ég verð með endalaust af brúðkaupsmyndum því mér finnst svooooo gaman að skoða þær:)

Hún Arna snillingur tók þessa mynd af okkur í sveiflunni - ótrúlegur myndasmiður hún Arna:)

Jæja fyrir spennta vini og vinkonur í útlöndum....já og aðra velunnara;)

Þá er fyrsta holl af myndum úr brúðkaupinu komið inn á Árusíðu en þetta eru myndir frá engum öðrum sem sjálfum afa wonder sem fór á kostum í veizlunni - einnig eru nokkrar nýjar í lok maí síðan í útskrift Hörpu og fleira.

Ég geri síðan ráð fyrir að fá myndir frá fleirum eins og t.d. Lárunni minni, Örnu, Sóleyju, Hörpu, Evu og Hjalla og fleirum sem voru með myndavél! Síðan eigum við auðvitað eftir að fá aðalmyndirnar úr myndatökunni - gaman gaman:)

Og ég minni á að kvitt gleður alla í hjartað;)

kv. Frú Linda

Elsku bezta fjölskylda og allir vinir!

Takk fyrir að gera brúðkaupsdaginn fullkominn og ógleymanlegan. Við erum í skýjunum og erum búin að vera að opna gjafir núna á annan tíma!

Þúsund þakkir fyrir allar þessar gjafir og að hafa tekið þátt í þessu með okkur.

"Kökuskerið"
Prúðbúnar mæðgur

Waltz-inn var ekki látinn nægja heldur var líka tekið rokk!

Þvílík sveifla

Topp þrír dagar í mínu lífi:

31. desember 1999

6. mars 2007

6. júní 2009

-Farin að njóta hveitibrauðsdaganna-


ps. ég þarf endilega að fá myndir frá öllum!

Ég hef lúmskan grun um að einhverjir séu að fylgjast með brúðkaupsundirbúningi og bíði spenntir eftir nýjustu fregnum;)

Í gær var ég gæs og yndislegu og frábæru vinkonur mínar og systir voru búnar að skipuleggja snilldardag frá byrjun til enda, hefði sko ekki getað verið betra og ég öfunda ekki hana sem verður á eftir mér svo frábær og skemmtileg dagskrá var í gangi, alveg eins og ég hefði viljað hafa þetta. Þrjú þúsund þakkir fyrir allt!

Næstu dagar verða þéttskipulagðir og af nógu að taka, samt er einhvern veginn allt alveg klárt en samt ekki klárt, fáránlega mikið af litlum hlutum og lausum endum sem þarf að ganga frá.

Síðan er náttúrulega nauðsynlegt að muna eftir að ná í hringana á morgun! MUNA MUNA

Áðan fór ég í litun og plokkun, fótsnyrtingu og prufuförðun og er afar ánægð með útkomuna, ég verð ekkert to much en samt alveg voða voða fín:)

Á morgun er planið að tjékka aðeins á hárinu og á fimmtudaginn er litun.

Föstudagurinn er þéttskipaður frá morgni til kvölds, gera og græja salinn, koma öllu á staðinn og koma öllu fyrir, setja upp altarið og fleira og fleira og fleira.....

....og við sem ætlum bara að hafa þetta alveg látlaust;)

kveðja frá soon to be frú Ottósson:)

Hérna er hægt að fá einhverjar hugmyndir að gjöfum...

síðan veit ég að Andri er spenntur fyrir Bodum pressukaffikönnu svo eitthvað sé nefnt.

Finnst hálfskrýtið að vera að þessu en...

tjúrílú

Hún Harpa yndislega systir mín útskrifaðist úr MH um helgina með glæsibrag og glæsileg var hún eins og þið sjáið:)

Innilega til hamingju aftur elsku Harpa okkar!