Ég er náttúrulega að vaka alltof lengi en stundum er bara mun betra að vinna á nóttunni, tók mér smá tíma í flokka myndirnar okkar og ég get sko alveg sagt ykkur að þessi hérna er orðinn ótrúlega spenntur að fara til Köben. Hann er samt að læra á fullu til að hann þurfi ekki alltaf að vera með bók í hönd úti...ætla plata hann í bælið núna:)


"Hehehe"

Hvaða tveimur manneskjum dettur í hug að elda sér þriggja rétta máltíð um miðjan dag á ósköp venjulegum miðvikudegi. Jú mér og Bjössa og ég át yfir mig! Auðvitað...við vorum samt að gera verkefni fyrir hátíðamatseldina, snilldarfag sem við erum í og nú í fjarnámi!

Við byrjuðum með humar í eplarjómasósu, í aðalrétt voru síðan lambalundir í applsínusósu (nammi namm) og í eftirrétt svona til að toppa þetta var súkkulaðimús með rjóma skreytt með kiwi og vínberjum...

Hvernig lýst ykkur á, ég get kannski eldað fyrir ykkur þegar ég kem til Köben...

Ég er hins vegar búin á því eftir þetta og var að vakna núna, það er gott að maður er með þriggja parta öndunina og sjávarhljóðin á hreinu eftir svona, bara upp á meltinguna skiljiði:)

And the matarblogg is back
Lu chef

Ég fer í jógatímann minn í hádeginu á morgun og ég er strax farin að hlakka til að taka hamingjuöndunina:) Hún er bara eitthvað svo ótrúlega hressandi þessi öndun.

Ég er með tengdó a.k.a Ruth og Rögnurassgati í jóganu og mér heyrist að við séum að fylla næsta námskeið...fleiri sem hafa áhuga?

Jóginn

VINAKORN

Varðveittu hverja stund sem þú hefur og varðveittu hana enn betur því þú eyddir henni með einhverjum sérstökum, nógu sérstökum til að eyða tíma þínum í. Og mundu að tíminn bíður ekki eftir neinum.

Vinir eru mjög sjaldgæfir dýrgripir. Þeir láta þig brosa og hvetja þig áfram í lífinu. Þeir lána þér eyra, hrósa þér og vilja alltaf opna hjarta sitt fyrir þig. - sýndu því vinum þínum hvers virði þeir eru þér.
Bestu vinirnir eru þeir sem að þú getur setið með, án þess að segja orð, og svo gengið í burtu og fundist sem að þú hafir aldrei átt betri samræður.

Ég heyrði þetta lesið upp um daginn og fannst þetta eiga svo vel við. Ég veit ekki hvernig maður kæmist eiginlega af án allra góðu vinanna:) Þið eruð langbest!

Knús og kram og til hamingju með daginn Regína mín sem var eiginlega í gær en ég sendi þér smáskilaboð í dag:) Vona að þau hafi komist til skila.

Linda

Þegar maður snertir botninn þá hlýtur eiginlega leiðin að liggja upp á við eftir það...

Þá má alveg fara að búast við einhverjum jákvæðum og skemmtilegum skrifum á þetta blessaða blogg.

Fyrsta var þó að breyta útlitinu en hann Einar góðvinur minn sá um það. Takk Einar minn:)

Bestu kveðjur og takk fyrir allt elsku vinir.
Linda

Oh stundum þoli ég ekki sjálfa mig...

Uppgötvaði á síðasta þriðjudag nýjan þátt sem heitir Close to Home og ákvað að þetta væri nú eitthvað fyrir mig (væminn og hægt að væla mikið yfir) en þið sem þekkið mig vitið að ég næ aldrei að fylgjast með neinum þáttum í sjónvarpinu því ég gleymi alltaf að horfa á þá...og viti menn haldiði að ég hafi ekki verið að missa af Close to Home og ég sem grét úr mér augun í síðustu viku og var orðin spennt fyrir næsta þætti...ég er ömurlegur þáttaáhorfandi.

Jæja Lilly núna þarftu að muna Close to Home á þri 22:00 og Desperate á fim 22:25.
Spurning hvort maður þurfi að fara að færa þetta inn í litlu svörtu bókina, væri svo sem alveg möguleiki, allur fjandinn sem fer þangað inn;)

Annars eigið góðan dag á morgun;)
Linda

Talandi um að vera fótboltafrú með meiru...

Sagði við Andra í gær þegar hann ók yfir á vitlausa akrein Passaðu að vera á þínum vallarhelming!

Er annars að fara að hora á The Descent...

Fyrirhugað plan um ferð okkar til Köben skýrist á næstu dögum. Ef allt gengur upp erum við væntanleg þann 22. mars og munum dvelja fram á mánudag 27. mars:)

Lilly

Umm hvað cookie do kökur eru góóóðar með ís og marssósu, það er banvænt þetta er svo goooottt:)

og enn og aftur hefur matarbloggið göngu sína, ég er viss um að dyggir aðdáendur þess voru farnir að sakna þess mikið...

En af hverju í ósköpunum er ég ekki farin að sofa, hver veit það?

Helgi framundan sweeeeet...
GN

Vá hvað mér blöskraði...svo mikið að ég varð kjaftstopp og það gerist nú ekki oft!

Ég er enn að jafna mig

Cheers!

Humm humm ha ha...!

AFO segir að ég segi endalaust oft humm og ha þegar ég er að tala við hann og hann þolir það ekki, vildi að ég væri með hljóð með þessum hummum en ég kannast ekkert við þetta!

Hann verður alveg pirraður ef ég tek humm eða ha og rétt í þessu sagði hann ég er alveg búinn að kinka kolli oft...

Ég skil ekkert í þessu, getur verið að ég sé svona pirrandi humm og ha manneskja, né trúi því ekki.

Mánudagar eru samt alveg þokkalega til mæðu hjá okkur, fórum út 8:08 í morgun, komum heim 20:48...þetta er náttúrulega alltof langur dagur, á þessum tíma var hátíðamatseld, lærdómur, vinna á frístunda, æfing og body jam kennsla... og enduðum svo á að þrífa Prins Polo.

Prógram já prógram
Heyri í ykkur:)
Skyndilindan

Ég var að enda við föstudagskríuna mína, hún er ein af mínum uppáhaldskríum, ég ætla samt að skvera mér í föt núna og hendast í Bónus, kaupa gos og snakk og nammi og Cookie Do því það er Idol í kvöld. Ég er búin að bjóða systrum mínum í mat, Pizza ala mango - ekkert vesen hér á bæ!

Laugardagur fer í örlítinn lærdóm og útsofelsi, um kvöldið er síðan elítuhittingur í Mosó...langt síðan að við höfum allar hist, vona að við kíkjum á Sylvíu Nótt og TIL HAMINGJU ÍSLAND...

Sunnudagur nýtist í aðeins meiri lærdóm, slappelsi og mat á Grunninum um kvöldið...

Ég ætla samt helst og mest af öllu að slappa ótrúlega mikið af um helgina, geispa oft og mörgum sinnum og halla höfði, það er þægilegt:)
Góða helgi!

Ég veit ekki hvort að ég er með svona mikinn kúk og piss húmor en allaveganna fékk ég hláturskast fyrr í kvöld þegar ég fór á klóið og það var svona tiny tiny lítill kúkur í klósettinu, (AFO var sko á undan mér en samt er ekki víst að hann hafi átt þetta) ég náttúrulega sturtaði bara niður til að losa mig við þetta en hann vildi ekki fara, ég reyndi aftur en litli naggurinn kom bara alltaf til baka. Það endaði með að ég kallaði fram á gang að það væri lítill kúkur í klósettinu sem vildi ekki burt og ég væri ráðþrota. Restin af Geislafamilíunni var þá komin inn á bað til að kíkja á gripinn og Don Ruth var bara viss um að þetta væri einhver loftkúkur svokallaður (hef að vísu ekki heyrt þá nefnda!). Lottó kom þá með gott ráð að setja pappír í klóið og þvinga hann þannig niður...hann fór loks helvítis naggurinn:)

Ég er enn að hlæja...

Besti dagur ársins...?

Ég held að dagurinn í dag sé án efa besti dagur ársins enda er að birta til, snjórinn er farinn, maður finnur hvernig vorið nálgast og grámyglan er að leka úr manni...

Janúar er búinn í dag:) Heldurðu að þunglyndið sé ekki farið úr manni núna Sóley?

Nú getur maður byrjað af krafti í öllu enda kominn tími til. Ég held að það ætti ekki að byrja neina starfsemi fyrr en um mánaðamótin jan/feb, þá eru allir búnir að jafna sig eftir jólin.
Einhverjir sammála?

Hafið það gott í dag...það ætla ég sko að gera!
Lil JO

Ég hef dulda listræna hæfileika sem eru að brjóta sér leið út úr skurninni....

Ég er ekki frá því að ég hafi fengið snert af sjálfstrausti hvað varðar myndlist þegar ég gekk út úr Listaseli Kennaraháskólans í dag.

Eftir að hafa lært pappírsþrykkingu og ákveðið að hafa jurta og blómaþema, teiknað eftir bergfléttu og grunnað strigann minn fyrir mitt fyrsta málverk sem mun hafa hringaþema þá hugsaði ég með mér að ég get þetta nú bara alveg. Meiri hræðslan sem er búin að hrjá mann í rúmlega 23 ár. Þannig að búið ykkur undir mjög svo listrænar gjafir frá mér í ár;)

Nú er bara að kaupa skissubók, möppu og svo aukadótarí sem hver og einn listamaður þarf að eiga og það sem gerir þetta enn betra er að mér finnst þetta hafa ótrúlega róandi áhrif á mig, ekki það að janúar hefur að vísu gert það líka!

Í kvöld hefst Idolið sem er líklegast eini sjónvarpsþátturinn sem ég hef markvisst fylgst með síðastliðin tvö ár. Kannski er það bara vegna veðmálsins sem er alltaf í adidas búðinni. Ég get aldrei fylgst með einhverjum þætti, ég gleymi nefnilega alltaf að horfa...spes

Á morgun á ég tíma í litun og plokkun sem er ekki seinna vænna áður en ég fer að líta úr eins og geimvera...seinnipartinum og kvöldinu ætla ég að eyða með Matthildi Birtu:


Sjáiði hvað við erum sætar saman:)

Auðvitað ætla ég alveg spjalla aðeins við mömmuna líka, getum nú alveg örugglega slúðrað eitthvað smá.

Einhvers staðar inni í helginni þarf ég líka að finna tíma til að klára bókina Upp við fossa og undirbúa fyrirlestur...það er sumsé engin lognmolla þrátt fyrir mikla mollu á þessu blessaða bloggi mínu!

Góða helgi allir saman, ég er farin í kríu...

Hey...það er einhver föstudagsfílingur í mér, kem með uppfærslu seinna í dag;)

Farin í Grafík, málun og teiknun! Trúið mér...ég er að byrja á myndmenntarnámskeiði, Bára hlýtur að vera hoppandi ánægð með mig;)

Ég er rosa mikill aumingjabloggari, spurning um að hætta þessu áður en þetta deyr alveg út...nje þetta hlýtur að koma

En hey snjór, þú mátt fara núna, máttir koma á milli jóla og nýárs en þetta er komið gott takk. Það er ekkert grín að búa lengst upp í sveit og lenda í öngþveitinu á morgnana þegar er svona mikill snjór og hananú!

Rosa eru samt allir duglegir í ræktinni, vá það er bara troðið í BH. Elsku fólk haldið nú svona áfram fram á vorið...já eða sumar það væri ekki verra;)

Æj ég ætla fara að sofa enda þreytt mjög
Góða nótt elskurnar.

Ég sef ekkert á nóttinni, fór með allar bænir sem ég kann í gær og endaði á því að telja kindur og svo get heldur ekki vaknað á morgnana, hins finnst mér rosa gott að liggja flöt milli 14 og 17 á daginn. Þá get sko sofið ójá....þetta er hins vegar hrikalega pirrandi. Tara gerir mér líka lífið leitt á nóttunni með endalausu rápi inn og út úr herberginu, hún vill alltaf vera í rassgatinu á mér og tekur sér ekkert pásu yfir blánóttina.

Núna er ég að undirbúa áætlun sem ætti að breyta þessu, var að enda við að sötra eitthvað svæfingarte, ætla að setja hreint á rúmið, taka 100 armbeygjur og skokka nokkrar ferðir upp og niður tröppurnar og þá hlýt ég að sofna fyrir þrjú! (þetta síðasta var kannski ekki alveg í alvörunni)

Ég fór í tíma í dag í málfræðirannsóknum, eflaust ágætt, enn einn greinaböggullinn sem maður les alltaf svo vel! Í vor verð ég síðan orðinn grunnskólakennari. Það verður spes...ég ætla samt ekkert að drífa mig neitt alltof mikið út á vinnumarkaðinn og er svona að reyna að gera upp við mig hvað ég get eiginlega farið...

Já svona er nú tilveran lítilfjörleg þessa dagana

Hlakka til þegar febrúar kemur, þá fer allt í fastar skorður.

The game is over...

Þetta er bara orðið full time job hjá mér að svara fólki en ég minni á lið 9 í þessu og þeir sem eru ekki með blogg geta tekið Láru vinkonu til fyrirmyndar!

Annars rúllar árið af stað í öllu sínu veldi;)
Lil

Best að ég dembi mér í þetta frá Álfinum...

Þú settur nafnið þitt í comment og ég.......

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð/lykt minnir mig á þig
4. Ég segi þér hvaða litur minnir mig á þig
5. Ég segi þér eitthvað sem meikar bara sens fyrir mig og þig
6. Ég segi þér fyrstu ljósu minninguna mína af þér
7. Ég segi þér á hvaða dýr þú minnir mig á
8. Ég spyr þig að einhverju sem ég hef velt lengi fyrir mér um þig
9. Ef þú tekur þátt í leiknum, verðu ÞÚ að setja þetta á bloggið þitt..!!

Tara er búin að taka ástfóstri við mágkonu sína, hún hreinlega eltir hana á röndum og vill helst ekki gera annað en að liggja nálægt Lindunni sinni. Svona er maður nú mikill dýravinur ha?

Ég er í letikasti þessa dagana enda var takmarkið að tjilla aðeins á þessu ári. Hafa minna að gera og njóta þess að slappa af í sveitinni.

Ég sakna þess þó sárt að hafa ekki systur mínar tvær hjá mér en þær ætla að vera duglegar að heimsækja mig og ég þær ekki satt?

AFO var að leigja Batman begins...þannig að þangað til næst hvenær sem bloggandinn kemur yfir mann....seeya
Linda